एमाले अध्यक्ष ओलीले भने–आगामी आवको बजेटमाथि समीक्षा हुन जरुरी

राजनीति

गृहपृष्ठ
राजनीति

एमाले अध्यक्ष ओलीले भने–आगामी आवको बजेटमाथि समीक्षा हुन जरुरी

क्यापिटल नेपालशनिबार, असार १, २०८१

काठमाडौं। सत्तारुढ नेकपा एमाले अध्यक्ष केपी शर्मा ओलीले आगामी आर्थिक वर्ष २०८१/८२ का लागि सार्वजनिक बजेट चित्तबुझ्दो नहुँदा समीक्षा हुन आवश्यक रहेको बताएका छन्।

शनिबार नयाँ बानेश्वरस्थित संसद् भवनमा एमाले संसदीय दलको बैठकलाई सम्बोधन गर्दै अध्यक्ष ओलीले पार्टीले चलाइरहेका मन्त्रालयको बजेट विनियोजनको स्थिति पनि हेर्नुपर्ने धारणा व्यक्त गरे।

अध्यक्ष ओलीले देशलाई गरिबी हुनबाट बचाउन एमाले सरकारमा गएकाले बजेट कति ठीक र कति बेठीक भन्नेबारे छलफल हुनुपर्नेमा जोड दिए।

उनले दिगो विकास लक्ष्य पाँच वर्षभित्र पूरा गर्नुपर्ने भन्दै मुलुकको विकास र गरिबी घटाउन उत्पादकत्व वृद्धिमा जोड दिनुपर्ने आवश्यकता औंल्याए। देश बनाउने संकल्प, अठोटसहित उद्यमशीलता बढाउन प्रविधि प्रयोग गर्नुपर्ने उनको भनाइ थियो।

प्रकाशित मिति: शनिबार, असार १, २०८१ १९:००

प्रतिक्रिया दिनुहोस्