कान्तिपुर सेभिङ्गका पूर्व अध्यक्ष सीबी लामा कारागार चलान

समाज

गृहपृष्ठ
समाज

कान्तिपुर सेभिङ्गका पूर्व अध्यक्ष सीबी लामा कारागार चलान

क्यापिटल नेपालआइतबार, जेठ २७, २०८१

काठमाडौं । कान्तिपुर सेभिङ्गका पूर्वअध्यक्ष चन्द्रबहादुर तामाङ ‘सीबी लामा’लाई पुर्पक्षका लागि थुनामा पठाइएको छ। काठमाडौं जिल्ला अदालतको आदेशले लामालाई केन्द्रीय कारागार थुनामा पठाइएको जिल्ला प्रहरी परिसर काठमाडौंले जनाएको छ।

कान्तिपुर सेभिङ्ग र पशुपति सेभिङ्गको बचत रकम अपचलन गरेर फरार भएका लामालाई प्रहरीले जेठ १८ मा पश्चिम चितवनबाट पक्राउ गरेको थियो।

कान्तिपुर सेभिङ्गमा सर्वसाधारणले बचत गरेको १ अर्ब ५१ करोड ८५ लाख ५२ हजार अपचलन गरेको प्रहरीको अनुसन्धान निष्कर्ष छ। सो बिगो कायम गरेर सरकारी वकिल कार्यालयमार्फत अदालतमा मुद्दा दायर गरिएको प्रहरीले जनाएको छ।

लामा सहितका सञ्चालकविरुद्ध ८५२ जना बचतकर्ताले जाहेरी दिएका छन्। सहकारीको रकम अपचलन गरेको कसुरमा कान्तिपुरका अध्यक्ष हिमाल विक्रम मल्ल पनि कारागारमा थुनामा छन्।

निक्षेपकर्ताको रकम हिनामिना गरेको आरोपमा कान्तिपुर सेभिङ्ग एण्ड क्रेडिटका थप ६ जना सञ्चालकविरुद्ध पक्राउ पुर्जी जारी भएको छ।

प्रकाशित मिति: आइतबार, जेठ २७, २०८१ १२:०८

प्रतिक्रिया दिनुहोस्