नेप्सेमा सामान्य अंकको गिरावट, कारोबार रकम बढ्यो

सेयर

गृहपृष्ठ
सेयर

नेप्सेमा सामान्य अंकको गिरावट, कारोबार रकम बढ्यो

क्यापिटल नेपालबिहीबार, जेठ २४, २०८१

काठमाडौं । सेयर बजारमा सामान्य अंकको गिरावट आएको छ। साताको कारोबारको अन्तिम दिन बिहीबार सेयर बजार सूचक नेपाल स्टक एक्सचेञ्ज (नेप्से) १.९३ अंकले घटेर २०७७.७८ अंकमा बन्द भएको हो। अघिल्लो कारोबार दिन बुधबार पनि ५.५८ अंकले घटेर २०७९.७१ को बिन्दुमा बन्द भएको थियो।

बिहीबार नेप्सेमा कुल ४ अर्ब ३८ करोड रुपैयाँ बराबरको कारोबार भएको छ। अघिल्लो कारोबार दिन बुधबार भने नेप्सेमा कुल ३ अर्ब ९६ करोड रुपयाँ बराबरको कारोबार भएको थियो।

बिहीबार कारोबारमा आएका कम्पनी मध्ये १०१ कम्पनीको सेयर मूल्य बढ्दा १३५ कम्पनीको सेयर मूल्य घटेको छ। यस्तै, ११ कम्पनीको सेयर मूल्य स्थिर छ।

बिहीबार इमर्जीङ नेपाल लिमिटेड र मिड सोलु हाइड्रोपावरको सेयर मूल्यमा सकरात्मक सर्किट लाग्दा बुद्धभूमी नेपाल हाइड्रोपावरको सेयर मूल्य ९.८८ प्रतिशतले बढेको छ। यस्तै, माइखोला हाइड्रोपावरको सेयर मूल्य ६.४० प्रतिशतले घटेको छ।

प्रकाशित मिति: बिहीबार, जेठ २४, २०८१ १५:१६

प्रतिक्रिया दिनुहोस्