सिटिजन बैंकका डेपुटी सीईओ पारसकुमार काफ्लेको श्रीलंकामा हृदयघातका कारण निधन

बैंकिङ

गृहपृष्ठ
बैंकिङ

सिटिजन बैंकका डेपुटी सीईओ पारसकुमार काफ्लेको श्रीलंकामा हृदयघातका कारण निधन

क्यापिटल नेपालसोमबार, जेठ २१, २०८१

काठमाडौं । सिटिजन बैंक इन्टरनेसनलका नायब प्रमुख कार्यकारी अधिकृत (डेपुटी सीईओ) पारसकुमार काफ्लेको हृदयघातका कारण निधन भएको छ। बैंकिङ फाइनान्स एन्ड इन्स्योरेन्स अफ नेपाल (बिफिन) को कार्यक्रममा श्रीलङ्का गएका बैंकका डेपुटी सीइओ काफ्लेको जेठ २० गते आइतबार निधन भएको हो।

बिफिनको कार्यक्रममा सहभागी हुन बैंकका प्रमुख कार्यकारी अधिकृत(सीईओ) सहित उच्च व्यवस्थापनका पाँचजनाको टिम गत आइतबार नै श्रीलङ्का गएको थियो। कार्यक्रमकै दौरानमा शनिबार डिसिइओ काफ्लेलाई हृदयघात भएको र त्यहाँको नावालोका हस्पिटल भर्ना गरिएको थियो। काफ्लेको उपचारकै क्रममा आइतबार अपरान्न ४ बजे मृत्यु भएको खबर आएको बैंक स्रोतले जानकारी दिएको छ।

विगत लामो समयदेखि सिटिजन बैंकमा कार्यरत काफ्लेको पार्थिक शरीर श्रीलंकाबाट नेपाल ल्याउनको लागि आवश्यक प्रक्रिया शुरु गरिएको स्रोतको भनाइ छ।

प्रकाशित मिति: सोमबार, जेठ २१, २०८१ २२:२८

प्रतिक्रिया दिनुहोस्