भुक्तानी दिन नसक्ने सरकारले निर्माण व्यवसायीलाई कालोसूचीमा राख्नु उपयुक्त होइनः सांसद बलायर

राजनीति

गृहपृष्ठ
राजनीति

भुक्तानी दिन नसक्ने सरकारले निर्माण व्यवसायीलाई कालोसूचीमा राख्नु उपयुक्त होइनः सांसद बलायर

क्यापिटल नेपालआइतबार, जेठ २०, २०८१

काठमाडौं । सांसद वीरबाहदुर बलायरले निर्माण व्यवसायीलाई कालोसूचीमा राख्नु गतल भएको बताएका छन्। आइतबार प्रतिनिधि सभामा बोल्दै उनले सरकारले स्रोत सुनिश्चिता गरेर ठेक्का लगाउने तर, समयमा भुक्तानी दिन नसक्दाको परिणाम व्यवसायीलाई भोगाउनु उपयुक्त नभएको बताए।

‘सबैले राम्रो काम नगरेका होलान्। तर, तीन वटा काम गरेर दुई वटा काम गर्न नसक्दैमा व्यवसायीलाई कालोसूचीमा राख्नु राम्रो होइन। काम सम्पन्न गरेको तीन वटा आयोजनाको भुक्तानी पाएका हुँदैनन्। निजी क्षेत्रको ठूलो लगानी रहेको निर्माण क्षेत्रलाई सरकारले बोझको रूपमा मात्रै हेरिनु हुँदैन। राज्यले पनि मलपट्टी लगाएर उसको साथ उभिनसक्ने वातारण निर्माण गर्नुपर्छ,’ उनले भने।

निवेदनका भरमा स्रोत सुनिश्चितता दिने तर, भुक्तानी दिन नसक्नु सरकारको गल्ति भएको उनको भनाइ छ। ‘स्रोत सुनिश्चित गरेर भुक्तानी गर्न नसक्नु व्यवसायीको गल्ति हो? भुक्तानी दिन नसक्ने भए आयोजना खारेज किन नगरेको?,’ प्रश्न गर्दै बलाएरले भने।

ठेक्का आह्वान गर्ने, स्रोत सुनिश्चित पनि गर्ने तर भुक्तानी नदिने सरकारले व्यवसायीलाई काम नगरेको भन्दै कालोसूचीमा हाल्न नहुने उनको तर्क छ। त्यस्तै सवारी सञ्चालनबापत रोड बोडले उठाइएको रकम रोड मर्मत मै खर्च गर्न उनले माग गरे। साथै भौगोलिक अवस्थाअनुसार बजेट विनियोजन गर्नुपर्ने उनले बताए। सहरी एवं सुगम क्षेत्र र दुर्गम क्षेत्रमा एउटै आधारमा रकम विनियोजन गरेर निर्माणको गति समान हुन नसक्ने उनको भनाइ छ।

प्रकाशित मिति: आइतबार, जेठ २०, २०८१ १६:१९

प्रतिक्रिया दिनुहोस्