विश्वर्कीतिमानी कामीरिता शेर्पाले ३० औं पटक गरे सगरमाथा आरोहण

पर्यटन

गृहपृष्ठ
पर्यटन

विश्वर्कीतिमानी कामीरिता शेर्पाले ३० औं पटक गरे सगरमाथा आरोहण

क्यापिटल नेपालबुधबार, जेठ ९, २०८१

काठमाडौं। विश्वको सर्वोच्च शिखर सगरमाथा आरोहण गरी विश्वकीतिमान राखेका कामीरिता शेर्पाले ३० औं पटक आरोहण गरेका छन्।

शेर्पाले बुधबार विहान ७ बजेर ४९ मिनेटमा ३० औं पटक आरोहण सफल गरेको उनि आबद्ध सेभेन समिटका टासिलाक्पा शेर्पाले जानकारी दिए। शेर्पाले दुई साता अघि मात्र २९ औं पटक आरोहण सफल गरेका थिए। यो आधारमा एकै महिनामा दुई पटक सगरमाथा आरोहण उनले गरिसकेका छन्।

२०२७ मा सोलुखुम्बुको थामे गाउँमा जन्मिएका कामीरिताले पहिलो पटक सन् १९९२ र १९९३ मा सगरमाथा आरोहण गरेका थिए । तर, त्यो बेला शिखर चुम्न सकेनन्।

बीचबाटै फर्किएका शेर्पाले २४ वर्षको उमेरमा सन् १९९४ मा सगरमाथा शिखर चुमेका थिए। चुचुरोसम्म डोरी टाँग्ने जिम्मेवारी पनि पाएकाले उनले सन् २००९, २०१० र २०१३ मा एकै याममा दुई पटक सगरमाथा चढेका थिए।

सन् २०१८ बाट उनले सेभेन समिटमा काम सुरु गरेका हुन् ।

प्रकाशित मिति: बुधबार, जेठ ९, २०८१ ०९:३५

प्रतिक्रिया दिनुहोस्