चेम्बर अफ कमर्सद्वारा तीन वर्षीय रणनीतिक कार्ययोजना सार्वजनिक

अर्थतन्त्र

गृहपृष्ठ
अर्थतन्त्र

चेम्बर अफ कमर्सद्वारा तीन वर्षीय रणनीतिक कार्ययोजना सार्वजनिक

क्यापिटल नेपालआइतबार, जेठ ६, २०८१

काठमाडौं । नेपाल चेम्बर अफ कमर्सले तीन वर्षीय रणनीतिक कार्ययोजना सार्वजनिक गरेको छ।

आइतबार पत्रकार सम्मेलन गर्दै चेम्बर अफ कमर्सले तीन वर्षीय रणनीतिक कार्ययोजना सार्वजनिक गरेको हो।

चेम्बर अफ कमर्सले रणनीतिगततर्फ ३० कार्ययोजना सार्वजनिक गरेको छ। त्यस्तै, चेम्बर अफ कमर्सले राजस्वतर्फ १२ रणनीतिगत कार्यायोजन र कृषि क्षेत्रतर्फ सात रणनीतिक कार्ययोजना सार्वजनिक गरेको छ।

चेम्बर अफ कमर्सले अर्थतन्त्रका बाह्य सूचकहरू सकारात्मक देखिए पनि आन्तरिक अर्थतन्त्र चलाएमान हुन नसकेको भन्दै चिन्तासमेत व्यक्त गरेको छ। निजी क्षेत्रको सम्पत्ति ५० प्रतिशतसम्मले गिरावट आएको उसको ठहर छ।

'आन्तरिक उत्पादनमा वृद्धि, रोजगारी सिर्जना, व्यापार घाटा न्यूनिकरणमार्फत आर्थिक समृद्धि हासिल गर्नुपर्ने हुन्छ। मुलुकको अर्थतन्त्रमा झण्डै ८० प्रतिशत हिस्सा ओगटेको निजी क्षेत्रमा लगानीमैत्री वातावरण सिर्जना गरेर आर्थिक समृद्धिको मार्गचित्र तय गरिनुपर्छ। आर्थिक शिथिलताको अविलम्ब अन्त्य, नीतिगत स्थायित्व र निजी क्षेत्रलाई नीतिगत संरक्षण आदि विषय राज्यको पहिलो प्राथमिकतामा रहनुपर्छ,' उसले भनेको छ।

नेपाल चेम्बर अफ कमर्स निजी क्षेत्रको सबैभन्दा पुरानो र नेतृत्वदायी भूमिकामा रहेकाले पनि आगामी तीन वर्षमा गर्न सकिने केही विषय सार्वजनिक गरिएको उसले जनाएको छ।