अर्थ मन्त्रालयकै संरक्षणमा गाडीको अवैध आयात : नाडा अध्यक्ष चौधरी

अटो

गृहपृष्ठ
अटो

अर्थ मन्त्रालयकै संरक्षणमा गाडीको अवैध आयात : नाडा अध्यक्ष चौधरी

क्यापिटल नेपालबिहीबार, जेठ ३, २०८१

काठमाडौं। नाडा अटोमोबाइल एसोसिएसन नेपालका अध्यक्ष करण चौधरीले अर्थ मन्त्रालयकै संरक्षणमा गाडीको अवैध आयात भइरहेको बताएका छन्।

बिहीबार इकोनोमिक मिडिया एसोसिएसन नेपाल (इमान)ले आयोजना गरेको प्रिबजेट छलफल कार्यक्रममा उनले अर्थ मन्त्रालय र भन्सार विभागको समन्वय नहुँदा ठूला गाडी अवैध रुपमा भित्रिरहेका बताए। 'अर्थ मन्त्रालय र भन्सार विभागको समन्वय हुने हो भने सानो कुरा पनि छिर्न पाउँदैन,' उनले भने, 'तर यहाँ ठूला गाडी नै अवैध आयात हुन्छन्।'

अटो व्यवसाय स्वस्थ व्यवसाय भएकाले सरकारले यसलाई वैधानिक रुपमै प्रोत्साहन गर्नुपर्ने उनले बताए। पछिल्लो समय अटो क्षेत्र धराशयी भएको उनको भनाइ छ। 'अहिले ईभी मात्रै बिक्री भएको छ तर अटो ईभीमा मात्रै सीमित छैन,' उनले भने।

पछिल्लो समय दुईपांग्रे सवारीसाधन किन्न रहर गर्ने युवा पुस्ता विदेश हुँदा अटो व्यवसाय धराशयी बनेको उनले बताए। 'युवा विदेशिनुलाई पलायन भन्ने कि खेदेको भन्ने?,' प्रश्न गर्दै उनले भने, 'किन्ने रहर गर्ने मान्छे बाध्यताले विदेशिएका छन्।'

पछिल्लो समय सरकारले आयात घटेको तथ्यांक सार्वजनिक गर्ने गरेकोप्रति चौधरीले अवैध आयात हुँदा सरकारी तथ्यांकमा कम देखिएको बताए।

प्रकाशित मिति: बिहीबार, जेठ ३, २०८१ १२:३१

प्रतिक्रिया दिनुहोस्