नेपाल टेलिकमलाई पुनः अनुमतिपत्र दिने सरकारको निर्णय, यस्ता छन् मन्त्रिपरिषद्का २५ निर्णय

प्रविधि

गृहपृष्ठ
प्रविधि

नेपाल टेलिकमलाई पुनः अनुमतिपत्र दिने सरकारको निर्णय, यस्ता छन् मन्त्रिपरिषद्का २५ निर्णय

क्यापिटल नेपालशुक्रबार, वैशाख २८, २०८१

फाइल तस्बिर

काठमाडौं। सरकारले नेपाल दूरसञ्चार कम्पनी (नेपाल टेलिकम)लाई पुनः अनुमतिपत्र दिने निर्णय गरेको छ। वैशाख २७ को मन्त्रिपरिषद् बैठकले टेलिकमलाई पुनः अनुमतिपत्र दिने निर्णय गरेको हो। सेवा सञ्चालनको २५ वर्ष पुगेपछि पुनः अनुमति लिनुपर्ने व्यवस्था छ।

मन्त्रिपरिषद् निर्णयमा भनिएको छ, ‘सञ्चार तथा सूचना प्रविधि दूरसञ्चार सेवालाई नियमित गर्ने प्रयोजनका लागि दूरसञ्चार ऐन, २०५३ को दफा २० को अधिकार प्रयोग गरी नेपाल दूरसञ्चार कम्पनी लिमिटेडलाई सोही ऐनको दफा ३३ को उपदफा (४) बमोजिम पुनः अनुमतिपत्र जारी गर्न नेपाल दूरसञ्चार प्राधिकरणलाई निर्देशन दिने।’

यस्तै, मन्त्रिपरिषद् बैठकले प्रधानमन्त्री नेपाली उत्पादन तथा उपभोग अभिवृद्धि कार्यक्रम कार्यान्वयन कार्यविधि, २०८१ स्वीकृत गर्ने निर्णय गरेको छ।

बैठकले राष्ट्रिय व्यापार सहजीकरण समिति गठन गरी काम, कर्तव्य र अधिकार तोक्ने, जलस्रोतसम्बन्धी कानुनलाई संशोधन र एकीकरण गर्न बनेको विधेयक, २०८० संघीय संसद्मा प्रस्तुत गर्न स्वीकृति दिनेलगायतका निर्णय गरेको छ।

प्रकाशित मिति: शुक्रबार, वैशाख २८, २०८१ १७:४०

प्रतिक्रिया दिनुहोस्