ब्यान्डविथको भुक्तानी नगरेपछि इन्टरनेट सेवामा अवरोध

प्रविधि

गृहपृष्ठ
प्रविधि

ब्यान्डविथको भुक्तानी नगरेपछि इन्टरनेट सेवामा अवरोध

क्यापिटल नेपालबिहीबार, वैशाख २०, २०८१

काठमाडौं। नेपालमा सञ्चालित अधिकांश इन्टरनेटका गति सुस्त भएको छ। बिहीबार अपरान्ह करिब साढे ४ बजेदेखि वर्ल्डलिंक, भायानेट, सुबिसुलगायत इन्टरनेट सेवा प्रदायकको सेवा कमजोर भएको हो।

वर्ल्ड लिंक कम्युनिकेसनले सामाजिक सञ्जाल फेसबुकमार्फत आफ्नो अपस्ट्रिम डिसकनेक्ट भएकाले सेवाको गति 'स्लो' भएको जानकारी गराएको छ। भुक्तानी गर्नुपर्ने रकम भुक्तानी नभएकाले अन्तर्राष्ट्रय लिंकबाट अपस्ट्रिम डिस्कनेक्ट गरिएको वर्ल्ड लिंकले उल्लेख गरेको छ।

सरकारले इन्टरनेट सेवा प्रदायकहरूको विदेशी मुद्रा सिफारिस रोकिदिएका कारण इन्टरनेट सेवा प्रदायकले भारतीय एयरटेल, टाटालगायत अपस्ट्रिम सेवा प्रदायकलाई एक वर्षदेखिको ब्यान्डविथको भुक्तानी गरेका छैनन्। सोही कारण अपस्ट्रिम डिस्कनेक्ट गरिएको र नेपालमा पनि इन्टरनेट गति सुस्त भएको अनुमान गरिएको छ।

प्रकाशित मिति: बिहीबार, वैशाख २०, २०८१ १७:४७

प्रतिक्रिया दिनुहोस्