त्रिशूली नदीमा र्‍याफ्टिङमा रमाउँदै माओवादी नेता विप्लव

पर्यटन

गृहपृष्ठ
पर्यटन

त्रिशूली नदीमा र्‍याफ्टिङमा रमाउँदै माओवादी नेता विप्लव

क्यापिटल नेपालबुधबार, वैशाख १९, २०८१

काठमाडौं। नेपाल कम्युनिस्ट पार्टी (नेकपा)का अध्यक्ष नेत्रविक्रम चन्द ‘विप्लव’ गर्मी छल्न त्रिशूली नदीमा र्‍याफ्टिङ गर्न पुगेका छन्।विप्लव र उनको टिमले बेनीघाटदेखि खटौटीसम्म करिब तीन घन्टा र्‍याफ्टिङमा बिताएको त्रिशूली रिभर साइड रिसोर्टका सञ्चालक उद्धव कँडेलले बताए।

र्‍याफ्टिङका क्रममा उनले प्याडल गेमका साथ क्लिफ जम्पसमेत गरेका थिए। विप्लवले निकै रुचिपूर्वक र्‍याफ्टिङ गरेको कँडेलको भनाइ छ। उनका अनुसार विप्लवले र्‍याफ्टिङ गर्दा गीत गाएर रमाउँदै मजा लिएका थिए।

‘विप्लवको नेतृत्वमा स्थानीय नेताहरु पनि यहाँ आउनुभएको थियो, गर्मी छल्नकै लागि योजना बनाएर र्‍याफ्टिङ गर्न आउनुभएको रहेछ’, कँडेलले भने, ‘र्‍याफ्टिङपछि निकै रमाइलो मानेर फर्कनुभयो।’

विप्लवले र्‍याफ्टिङ गर्दा निकै रमाइलो भएको र काठमाडौं नजिकैको यो ठाउँ पर्यटकीय हिसाबले महत्त्वपूर्ण रहेको बताएका थिए।विप्लवले आफू र आफ्नो पार्टीले पर्यटकीय प्रवर्द्धनमा जोड दिँदै आएको र यसमा सक्दो सहयोग गर्नेसमेत बताएका थिए।

हाल रिभरसाइड रिसोर्टले र्‍याफ्टिङसँगै जिपलाइन र स्काई साइक्लिङको सुविधा पनि उपलब्ध गराएको छ। आवासीय पर्यटकलाई बस्न रिसोर्ट र भिल्लासमेत निर्माण गरिएको छ।

पछिल्लो समय र्‍याफ्टिङलगायत पर्यटकीय गतिविधिका लागि उल्लेख्य संख्यामा आन्तरिक र बाह्य पर्यटक त्रिशूली पुग्ने गरेका छन्।

प्रकाशित मिति: बुधबार, वैशाख १९, २०८१ ११:४६

प्रतिक्रिया दिनुहोस्