कूटनीतिज्ञसँग प्रधानमन्त्रीः लगानी सम्मेलनमा सहयोगको याचना

अर्थतन्त्र

गृहपृष्ठ
अर्थतन्त्र

कूटनीतिज्ञसँग प्रधानमन्त्रीः लगानी सम्मेलनमा सहयोगको याचना

क्यापिटल नेपालमंगलबार, चैत २७, २०८०

काठमाडौं। प्रधानमन्त्री पुष्पकमल दाहाल प्रचण्डले आगामी वैशाखमा हुने तेस्रो लगानी सम्मेलन परिणाममुखी बनाउन नेपालस्थित विदेशी दूतावास, कूटनीतिक नियोग र विकास साझेदारका प्रतिनिधिसँग छलफल गरेका छन्।

मंगलबार सिंहदरबारमा आयोजित कूटनीतिज्ञ एवं विकास साझेदार सम्मिलित बैठकमा प्रधानमन्त्री दाहालले नेपाललाई लगानी गन्तव्यको रूपमा स्थापित गर्न विकास साझेदार र एवं कूटनीतिक नियोगको भूमिका झनै महत्त्वपूर्ण हुने औंल्याए।

प्रधानमन्त्रीले भने, ‘लगानी सम्मेलनमा सक्रिय रूपमा संलग्न हुन विकास साझेदार, द्विपक्षीय र बहुपक्षीय विकास साझेदार र नेपालमा रहेका कूटनीतिक नियोगबाट सहयोग अपेक्षा गर्छौं।’

सरकारले लगानीमैत्री वातावरण बनाउन कानुन परिमार्जन, प्रक्रियागत सुधार र विदेशी लगानीकर्तालाई अवरोध हुन नदिने ग्यारेन्टी गर्न सरकार प्रतिबद्ध रहेको उनको भनाइ छ।

‘लगानी सम्मेलनले लगानीकर्ता, विकास साझेदार, वित्तीय संस्थालगायत सरोकारवालालाई एकजुट हुन, अवसर खोज्न, दीर्घकालीन साझेदारीलाई बढावा दिने अपेक्षा गरेका छौं,’ उनले भने।

प्रकाशित मिति: मंगलबार, चैत २७, २०८० १५:३४

प्रतिक्रिया दिनुहोस्