हेलि एभरेष्टले थप्यो अर्को हेलिकोप्टर, आगामी वर्ष ५ वटा पुर्‍याउने

पर्यटन

गृहपृष्ठ
पर्यटन

हेलि एभरेष्टले थप्यो अर्को हेलिकोप्टर, आगामी वर्ष ५ वटा पुर्‍याउने

क्यापिटल नेपालमंगलबार, चैत २७, २०८०

काठमाडौं। हेलि एभरेष्टले नयाँ हेलिकोप्टर थपेको छ। आन्तरिक एवंम बाह्य पर्यटकलाई लक्षित गर्दै हेलिकोप्टर थप गरिएको प्रबन्ध निर्देशक फुर्वाग्याल्जे शेर्पाले जानकारी दिए।

कम्पनीले एएस ३५० बीई ए १२५ हेलिकोप्टर भित्र्याएको हो। यो हेलिकोप्टर नेपालको भूगोल र मौसम सुहाउँदो रहेको कम्पनीले जानकारी दिएको छ।

हाल तीनवटा हेलिकोप्टरमार्फत् उडान गर्दै आएको हेलि एभरेष्टले आगामी वर्षभित्र एक वटा थप गरी ५ वटा पुर्‍याउने प्रबन्ध निर्देशक शेर्पाको भनाइ छ।

नेपाल नागरिक उड्डयन प्राधिकरणले पछि हेलिकोप्टरको संख्या ५ वटा पुर्‍याउनुपर्ने नियम ल्याएको भन्दै त्यही अनुसार थप गर्ने तयारी कम्पनीको रहेको छ।

त्रिभुवन अन्तर्राष्ट्रिय विमानस्थलमा सोमबार आइपुगेको हेलिकोप्टर उडानका लागि केहि समय लाग्ने छ। प्राधिकरणको नियमअनुसार आवश्यक प्रक्रियाहरु पूरा गरेपछि करिब २ सातापछि व्यावसायिक उडान सुरु हुने कम्जपनीको भनाइ छ।

आकस्मिक उद्धार,पर्यटकीय सेवा,व्यापारिक उडान,चिकित्सकीय सेवा तथा कार्गो उडानमा हेलिकोप्टर प्रयोग हुँदै आएको छ।

प्रकाशित मिति: मंगलबार, चैत २७, २०८० ०७:४८

प्रतिक्रिया दिनुहोस्