अभिभावकले छोराछोरीको पढाई हेर्न मिल्ने 'मोबाइल एप'

प्रविधि

गृहपृष्ठ
प्रविधि

अभिभावकले छोराछोरीको पढाई हेर्न मिल्ने 'मोबाइल एप'

क्यापिटल नेपालआइतबार, चैत २५, २०८०

काठमाडौं। अनलाईन माध्यममा अध्ययन गरिरहेका विद्यार्थीका अभिभावकले आफ्नै मोबाइलबाट छोराछोरीको प्रगति हेर्न मिल्ने एप सार्वजनिक गरिएको छ। एम्बिसन गुरु नेपाल प्रालिले उक्त एप सार्वजनिक गरेको हो।

एपबाट अभिभावकले एम्बिसन गुरुमा अध्ययनरत आफ्ना छोराछोरी वा भाईबहिनीले एपमा कति समय बसेर पढिरहेका छन् भनेर हेर्न सक्ने छन्। पढाइमा भइरहेको छोराछोरीको प्रगति, विद्यार्थीले लिने लाइभ, छुटाएका कक्षालगायत एपबाट हेर्न मिल्ने कम्पनीले जानकारी दिएको छ।

त्यस्तै परीक्षामा सहभागी भए/नभएको, नबुझेका कुरा शिक्षकलाई प्रश्न गरे/नगरेकोलगायत कुरा अभिभावकले घरबाटै जानकारी लिन सक्ने छन्। त्यस्तै परीक्षामा विद्यार्थीले कुन विषयमा कति अंक ल्याएका छन् र त्यसमा गुरुले दिएको सल्लाह पनि मोबाइलबाट नै हेर्न पाउने गुरु नेपाल प्रालिले बताएको छ।

प्रकाशित मिति: आइतबार, चैत २५, २०८० १७:५२

प्रतिक्रिया दिनुहोस्