सुनको मूल्यमा नयाँ रेकर्ड, प्रतितोला १ लाख ३३ हजार पुग्यो

अर्थतन्त्र

गृहपृष्ठ
अर्थतन्त्र

सुनको मूल्यमा नयाँ रेकर्ड, प्रतितोला १ लाख ३३ हजार पुग्यो

क्यापिटल नेपालबुधबार, चैत २१, २०८०

काठमाडौं। नेपाली बजारमा बुधबार सुनको मूल्यमा नयाँ रेकर्ड कायम भएको छ। नेपाल सुनचाँदी व्यवसायी महासंघका अनुसार बुधबार एकैदिन १ हजार ८ सय रुपैयाँ प्रतितोलाका दरले मूल्य बढेर छापावाल सुनको मूल्य १ लाख ३३ हजार रुपैयाँ पुगेको हो।

यसअघि सोमबार प्रतितोला १ लाख ३१ हजार ६ सय रुपैयाँमा सुन मूल्यमा नयाँ उचाइ कायम भएको थियो। मंगलबार सुनको मूल्य ४ सय रुपैयाँले घटेर १ लाख ३१ हजार २ सय रुपैयाँ प्रतितोलामा कारोबार भएको थियो। बुधबारका लागि तेजावी १ लाख ३२ हजार ३५० रुपैयाँ कायम भएको छ।

बुधबारका लागि चाँदीको मूल्य पनि बढेर प्रतितोला १६ सय रुपैयाँ नाघेको छ। बुधबारका लागि चाँदी प्रतितोला १ हजथार ६१० रुपैयाँ कायम भएको छ। यसअघि मंगलबार चाँदीको मूल्य प्रतितोला १ हजार ५४५ रुपैयाँ रहेको थियो।

प्रकाशित मिति: बुधबार, चैत २१, २०८० ११:३२

प्रतिक्रिया दिनुहोस्