एनआईयू इलेक्ट्रिक स्कुटर किन्न टुटलले राइडरलाई ५० हजारसम्म सहयोग गर्ने

प्रविधि

गृहपृष्ठ
प्रविधि

एनआईयू इलेक्ट्रिक स्कुटर किन्न टुटलले राइडरलाई ५० हजारसम्म सहयोग गर्ने

क्यापिटल नेपालआइतबार, चैत ४, २०८०

काठमाडौं। राइड सेयरिङ प्लेटफर्म टुटलले विद्युतीय स्कुटर निर्माता कम्पनी इको इन्फिनीटिसँग सहकार्य गर्ने सम्झौता गरेको छ। सम्झौता अनुसार टुटल राइडर्सले किनेका प्रत्येक एनआईयू स्कुटरका लागि टुटलले ५० हजार रुपैयाँसम्म आर्थिक सहयोग गर्नेछ। वातावरणमैत्री यातायातको प्रवद्र्धन गरी स्वच्छ वातावरणलाई प्रोत्साहन गर्न र नेपालको यातायात परिदृश्यमा क्रान्ति ल्याउन यो सम्झौता गरिएको टुटलले जानकारी दिएको छ।

टुटलले आफ्ना राइडरहरूका लागि ‘हन्ट’ नामक नयाँ योजना पनि ल्याएको छ। उक्त योजनाहरुमा राइडरले आफ्नो कमाई बढाउन सक्नेछन्। दैनिक, साप्ताहिक वा मासिक रूपमा लक्ष्य राखिएको र सोहीअनुसार राइडरले आम्दानी बढाउन सक्ने टुटलले बताएको छ। प्रत्येक ‘हन्ट’ समापनमा राइडरलाई उनीहरूले पूरा गरेका लक्ष्यहरूको आधारमा नगद पुरस्कार दइिने टुटलको भनाइ छ।

यात्रुहरूलाई विद्युतीय सवारी प्रयोग गर्न प्रोत्साहित गर्न टुटलले ३ महिनाको अभियान पनि सुरु गरेको छ। जसमा राइडरहरुले एनआईयू स्कुटर जित्नका लागि अभियान अवधिभर ३०० राइड पूरा गर्नुपर्नेछ।
५० प्रतिशत राइडरहरुले विद्युतीय स्कुटर प्रयोग गरुन् भन्ने कम्पनीको चहाना रहेको टुटलका प्रबन्ध निर्देशक रुबिक जोशीले बताए। ‘भावी पुस्ताका लागि हरित र स्वच्छ वातावरण बनाउने यो हाम्रो सानो पहल हो। जसले भविष्यमा देशको वातावरणलाई सुधार्न मद्दत गर्नेछ,’ उनले भने।

प्रकाशित मिति: आइतबार, चैत ४, २०८० १८:५५

प्रतिक्रिया दिनुहोस्