सरकारको गतिमा परिवर्तन ल्याउन नयाँ समीकरण बनाएका हौँ : प्रधानमन्त्री

राजनीति

गृहपृष्ठ
राजनीति

सरकारको गतिमा परिवर्तन ल्याउन नयाँ समीकरण बनाएका हौँ : प्रधानमन्त्री

क्यापिटल नेपालआइतबार, चैत ४, २०८०

काठमाडौं। प्रधानमन्त्री पुष्पकमल दाहालले सरकारको गतिमा परिवर्तन ल्याउन र वामपन्थी शक्तिबीच सहकार्यका लागि नयाँ समीकरण बनाइएको बताएका छन्। आइतबार बिहान पोखरामा पार्टीका अगुवा नेता–कार्यकर्तालाई सम्बोधन गर्दै प्रधानमन्त्रीले नयाँ गठबन्धनबारे स्पष्टीकरण दिएका हुन्। 'कांग्रेसबाट पटकपटक धोका भयो। कांग्रेसबाट हामीलाई भोट ‘ट्रान्सफर’ हुने पनि देखिएन। सबैजसो निर्वाचनमा धोका भयो। भोलि पनि यस्तै हुने देखियो,' उनले भने, 'एकातिर सरकारमा गति नआउने, अर्कोतर्फ गठबन्धनप्रति इमान्दार नहुने परिस्थितिले नयाँ गठबन्धनमा गएका हौँ।'

प्रधानमन्त्री दाहालले पार्टीलाई सुदृढ गर्न एक महिने अभियान चलाइने पनि बताए। गण्डकी प्रदेशमा माओवादीले नेतृत्व लिने सम्भावना रहेको उनको भनाइ थियो। 'गण्डकी प्रदेश सरकारबारे पनि हामी छलफल गर्दैछौँ,' उनले भने, 'प्रदेशमा सरकार गठनका लागि गृहकार्यमै छौँ। त्यो टुङ्ग्याएपछि एउटा निष्कर्षमा पुग्नेछौँ।'

प्रकाशित मिति: आइतबार, चैत ४, २०८० १३:०३

प्रतिक्रिया दिनुहोस्