कांग्रेस सांसद घिमिरेले मागे ५० करोडका आयोजना, नदिए बजेट फेल गर्ने चेतावनी

राजनीति

गृहपृष्ठ
राजनीति

कांग्रेस सांसद घिमिरेले मागे ५० करोडका आयोजना, नदिए बजेट फेल गर्ने चेतावनी

क्यापिटल नेपालबिहीबार, चैत १, २०८०

काठमाडौं। नेपाली कांग्रेसका सांसद श्यामकुमार घिमिरेले आगामी बजेटमार्फत सांसदलाई ५० करोड रुपैयाँ बराबरका योजना उपलब्ध गराउन माग गरेका छन्। बिहीबार प्रतिनिधि सभा बैठकको शून्य समयमा बोल्दै उनले सांसदलाई कम्तीमा ५० करोड रुपैयाँ बराबरका योजना नदिए बजेट फेल गराउने चेतावनी दिएका हुन्। १६५ निर्वाचन क्षेत्रमा सांसद्को सिफारिसमा ५० करोडसम्मका योजना नदिए बजेट पास नगराउने उनले बताए।

बजेट पास गर्दा विपक्षीको पनि भूमिका हुन्छ भन्ने कुरा नबिर्सन उनलेस सरकारलाई चेतावनी दिए। प्रधानमन्त्री पुष्पकमल दाहालले गत वर्ष नै बजेटमा सांसदको सहभागिता रहने घोषणा गरेको भन्दै सांसद घिमिरेले १६५ निर्वाचन क्षेत्रमा ५० करोड रुपैयाँ बराबरका योजना नदिए बजेट पास गर्न सहयोगी बन्न नसक्ने बताए। ‘हामीलाई ५ करोड, १० करोडको चाहिएको होइन,' उनले भने, '१६५ निर्वाचन क्षेत्रमा सांसदको सिफारिसमा कम्तीमा ५० करोडका योजना दिइयोस्। कार्यान्वयन सरकारले गर्ने हो।’

प्रकाशित मिति: बिहीबार, चैत १, २०८० १३:४७

प्रतिक्रिया दिनुहोस्