संसद् बैठकमा पूर्वअर्थमन्त्री विष्णु पौडेलको जिकिर–अर्थतन्त्र मन्दी अवस्थामा पुग्यो

राजनीति

गृहपृष्ठ
राजनीति

संसद् बैठकमा पूर्वअर्थमन्त्री विष्णु पौडेलको जिकिर–अर्थतन्त्र मन्दी अवस्थामा पुग्यो

क्यापिटल नेपालबिहीबार, फागुन २४, २०८०

काठमाडौं– पूर्वअर्थमन्त्री विष्णु पौडेलले नेपाली अर्थतन्त्र मन्दी अवस्थामा पुगेकाले यसमा समस्या देखिएको बताएका छन्। उनले अर्थतन्त्रका कुनै पनि सूचक सकारात्मक नरहेको दाबी गरे।

बिहीबारको संसद् बैठकमा बोल्दै गठबन्धन फेरबदलपछि सत्तारुढ हुन पुगेको एमाले उपाध्यक्षसमेत रहेका पौडेलले यस्तो बताएका हुन्।

उनले भने, ‘अर्थतन्त्रमा समस्या छन्। परिसूचक नकारात्मक छन् तर निवर्तमान अर्थमन्त्री डा. प्रकाशशरण महतले आँकडा सच्याउने होइन, अवस्था सच्याउनुपर्छ।’

गलत सूचना सम्प्रेषण गरेर अर्थतन्त्र दुरुस्त भएको दाबी गर्नु अनुपयुक्त हुने उनको भनाइ छ। राजस्वको लक्ष्य पूरा हुन नसक्ने, निवर्तमान अर्थमन्त्रीले गरेको संशोधिन अनुमानमा पुग्न नसकिने अवस्था रहेको पूर्वअर्थमन्त्री पौडेलले बताए।

‘निर्माण व्यवसायी भुक्तानी मागिरहेका छन्। सरकारले खर्च गर्न सकेको छैन। यसअघिको सरकार आन्तरिक ऋण उठाउने अवस्थामा पुगिसकेकाले अर्थतन्त्र सकारात्मक रहेको भन्नु झुट हो’, पौडेलले भने।

प्रकाशित मिति: बिहीबार, फागुन २४, २०८० १५:५४

प्रतिक्रिया दिनुहोस्