नेप्से झिनो अंकले बढ्यो, २ अर्ब ८४ करोडको कारोबार

सेयर

गृहपृष्ठ
सेयर

नेप्से झिनो अंकले बढ्यो, २ अर्ब ८४ करोडको कारोबार

क्यापिटल नेपालबुधबार, माघ २४, २०८०

काठमाडौं। सेयर बजार सूचकमा झिनो वृद्धि भएको छ। बुधबार सेयर बजार सूचक नेपाल स्टक एक्सचेञ्ज (नेप्से) ४.९२ अंकले बढेर २ हजार ९० दशमलब ६४ को बिन्दुमा कायम भएको छ।

अघिल्लो कारोबार दिन मंगलबार भने नेप्से ९.४४ अंकले बढेर २ हजार ८५.७१ बिन्दुमा बन्द भएको थियो।

बुधबार सेयर बजारमा कुल २ अर्ब ८४ करोड रुपैयाँ बढीको कारोबार भएको छ। अघिल्लो दिन मंगलबार भने कुल २ अर्ब ५९ करोड रुपैयाँ बढीको कारोबार भएको थियो।

बुधबार कारोबारमा आएका कम्पनीमध्ये १ सय ६८ कम्पनीको सेयर मूल्य बढेको छ भने ६८ कम्पनीको सेयर मूल्य घटेको छ। यस्तै ११ कम्पनीको सेयर मूल्य स्थिर छ।

बुधबार चार वटा कम्पनीको सेयर मूल्यमा सकरात्मक सर्किट लागेको छ। जसमा गुराँस लघुवित्त वित्तीय संस्था, समाज लघुवित्त वित्तीय संस्था, बुद्धभूमी नेपाल हाइड्रोपावर कम्पनी र इस्टर्न हाइड्रापावर कम्पनी रहेका छन्।

यस्तै, एसिएन हाइड्रोपावरको सेयरमूल्य ९.९९ प्रतिशतले बढेको छ।

प्रकाशित मिति: बुधबार, माघ २४, २०८० १५:३६

प्रतिक्रिया दिनुहोस्