बाँसबारी जग्गा प्रकरणमा व्यवसायी अरुण चौधरीलाई रिहा गर्न अदालतको आदेश

मुख्य समाचार

गृहपृष्ठ
मुख्य समाचार

बाँसबारी जग्गा प्रकरणमा व्यवसायी अरुण चौधरीलाई रिहा गर्न अदालतको आदेश

क्यापिटल नेपालसोमबार, माघ २२, २०८०

काठमाडौँ । सीआईबीले बाँसबारी जग्गा प्रकरणका विषयमा व्यवसायी अरुण चौधरीलाई पक्राउ गरेपछि सोमबार म्याद थपका लागि जिल्ला अदालतमा पेश गर्दा अदालतले अनुसन्धान सकेर २ दिनभित्र रिहा गर्न आदेश दिएको छ ।

म्याद थपका लागि उपस्थित गराउँदा अदालतले माघ २२ देखि लागू हुने गरी दुई दिनको म्याद थप गरेपनि मंगलबारसम्ममा रिहा गर्न आदेश दिएको हो । चौधरीसहित अन्य दुई जनालाई पनि रिहा गर्न अदालतले आदेश दिएको हो ।

काठमाडौँ जिल्ला अदालतका न्यायाधीश यज्ञप्रसाद आचार्यको इजलासले अनुसन्धानको कार्यमा सहयोग गर्नको लागि कागज गराई हाजिर जमानीमा छाडी बाँकी अनुसन्धानको कार्य पुरा गर्न सीआईबीलाई आदेश दिएको हो । मुलुकी फौजदारी कार्यविधि संहिता २०७४ को दफा १४ ९६० बमोजिम अदालतले उक्त आदेश दिएको अदालतले जनाएको छ ।

अदालतको आदेशमा ‘प्रतिवादीहरुको अनुसन्धान समक्षको बयान कार्य सम्पन्न भएको हुँदा केही थप बुझ्नु पर्ने, कागज गराउनु पर्ने भएमा त्यस सम्बन्धमा बुझी, कागज गराउनको लागि मिति २०५०।१०।२२ गते देखि लागु हुने गरी दुई दिनको म्याद थप गरी दिएको छ। यी प्रतिवादीहरुबाट थप बुझ्नु पर्ने वा कागज गराउन नपर्ने भएमा सो अगावै पनि अनुसन्धान अधिकारीले हाजिर जमानीमा छाडन सक्ने र सो नभएमा म्याद थप भएको दुई दिन भित्र यी प्रतिवादीहरुबाट अव बुझ्नु पर्ने बाँकी काम सम्पन्न गर्ने गरी सम्पन्न हुन नसक्ने भएमा निजहरुलाई अनुसन्धानको कार्यमा सहयोग गर्नको लागि कागज गराई हाजिर जमानीमा छाडी वाकी अनुसन्धानको कार्य पुरा गर्नु भनि मुलुकी फौजदारी कार्यविधि संहिता २०७४ को दफा १४९६० बमोजिम यो आदेश गरी दिएको छ’, उल्लेख गरिएको छ ।

प्रकाशित मिति: सोमबार, माघ २२, २०८० २१:४९

प्रतिक्रिया दिनुहोस्