काठमाडौं। जापान अटोमोबाइल म्यानुफ्याक्चरर्स एसोसिएसन (जामा) को तथ्यांकअनुसार गत वर्ष चीनले जापानलाई उछिन्दै विश्वको सबभन्दा ठूलो सवारी निर्यातकर्ता बनेको छ।
जापानले सन् २०२३ मा ४४ लाख २० हजार सवारीसाधन निर्यात गरेको तथ्यांकले देखाएको छ। चाइना एसोसिएसन अफ अटोमोबाइल म्यानुफ्याक्चरर्स (सीएएएम) ले यसै महिना सार्वजनिक गरेको रिपोर्टअनुसार चीनले निर्यात गरेको ४९ लाख १० हजारको तुलनामा यो संख्या करिब पाँच लाखले बढी हो।
यद्यपि, चीनको भन्सार विभागले निर्यात संख्या ५२ लाख २० हजार पुगेको र वर्षको तुलनामा ५७ प्रतिशतले वृद्धि भएको जानकारी गराएको छ। चीनले सन् २०२३ को सुरुदेखि नै मासिक रूपमा जापानले भन्दा बढी सवारीसाधन निर्यात गर्दै आएको थियो।
बुधबार सार्वजनिक समग्र तथ्यांकमा चीनले जापानले भन्दा बढी सवारीसाधन निर्यात गरेको देखिएको छ। हालैका वर्षमा विद्युतीय कारमा ठूलो लगानीका कारण चीनको कार उत्पादन क्षेत्र ठूलो मात्रामा फस्टाएको छ। यसबाट जापानी फर्मलाई चुनौती थपिएको छ।
जापानी निर्माताले लामो समयदेखि हाइब्रिड कार उत्पादनको सर्त राखेका छन्। हाइब्रिड कार जापानी प्रसिद्ध उत्पादन टोयटा प्रियसको जस्तै ब्याट्री पावर र आन्तरिक दहन इन्जिनबाट चल्ने कार हुन्।
चिनियाँ कम्पनी बीवाईडीले यसै महिना टेस्लाको सबैभन्दा बढी विद्युतीय सवारी साधनको बिक्रीको रेकर्डलाई तोडेको छ। यसले बढ्दो क्षेत्रका लागि बेइजिङको बलियो सरकारी समर्थनलाई पूँजीकृत गरेको छ।
सन् १९९५ मा ब्याट्री निर्माताको रूपमा स्थापना भएको बीवाईडीले पछि प्लग–इन हाइब्रिड र सबै–इलेक्ट्रिक वाहन उत्पादन गर्न आफ्नो ध्यान केन्द्रित गरेको छ। सेन्जेन क्षेत्रलाई मुख्य बजार बनाएको बीवाईडीले चीन र युरोपमा मूल्यमा टेस्लासँग प्रतिस्पर्धा गर्छ।–एजेन्सी
-1732445197.jpg)
