आयोग उपाध्यक्ष–विश्व बैंक देशीय निर्देशक भेट, १६औं आयोजनाबारे बिफ्रिङ

अर्थतन्त्र

गृहपृष्ठ
अर्थतन्त्र

आयोग उपाध्यक्ष–विश्व बैंक देशीय निर्देशक भेट, १६औं आयोजनाबारे बिफ्रिङ

क्यापिटल नेपालशुक्रबार, माघ ५, २०८०

काठमाडौं। राष्ट्रिय योजना आयोगका उपाध्यक्ष डा। मीनबहादुर श्रेष्ठ र विश्व बैंकका माल्दिभ्स, नेपाल र श्रीलंका हेर्ने देशीय निर्देशक (कन्ट्री डाइरेक्टर) फारिस हदाद जार्वोसबीच भेटवार्ता भएको छ।

सिंहदरबारस्थित आयोगको कार्यालयमा उनीहरुबीच भेटवार्ता भएको आयोग उपाध्यक्ष श्रेष्ठको सचिवालयले बताएको हो।
भेटवार्तामा विश्व बैंकको कन्ट्री पार्टनरसिप फ्रेमवर्क ९सिपिएफ० र नेपालको १६औं आवधिक योजनाबीच कसरी तादम्य मिलाउने भन्ने विषयमा छलफल भएको छ।

भेटमा उपाध्यक्ष श्रेष्ठले हाल मस्यौदा निर्माणको क्रममा रहेको १६औं योजना पूर्वाधार निर्माण, सामाजिक क्षेत्र सुधार, उत्पादन अभिवृद्धि र रोजगारी सिर्जनामा केन्द्रित हुने बताए।

विद्यमान संरचनात्मक समस्याहरु पहिचान गरी समाधान गर्न १६औं योजनाले विशेष ध्यान दिएको श्रेष्ठले उल्लेख गरे। विश्व बैंकलगायतका विकास साझेदारले नेपालका लागि गरेको सहयोगप्रति उपाध्यक्ष श्रेष्ठले धन्यवाद दिएका थिए।

प्रकाशित मिति: शुक्रबार, माघ ५, २०८० १७:०२

प्रतिक्रिया दिनुहोस्