हिमालयन बैंकको साधारणसभाले पारित गर्‍यो एफपीओ निष्कासन प्रस्ताव

बैंकिङ

गृहपृष्ठ
बैंकिङ

हिमालयन बैंकको साधारणसभाले पारित गर्‍यो एफपीओ निष्कासन प्रस्ताव

क्यापिटल नेपालसोमबार, माघ १, २०८०

काठमाडौं। हिमालयन बैंकको ३१औं वार्षिक साधारणसभाले प्रिमियम मूल्यसमेत थपेर सार्वजनिक निष्कासन (एफपीओ) निष्कासन प्रस्ताव पारित गरेको छ। बैंकको पुस २९ मा सम्पन्न साधारणसभाले एफपीओ निष्कासन प्रस्तावलाई पारित गरेको हो।

बैंकले कुल सेयर पूँजीमा सर्वसाधारणतर्फको अनुपात ३० प्रतिशत कायम गर्न एफपीओ निष्कासन गर्न लागेको हो। हाल बैंकको चुक्ता पुँजी २१ अर्ब ६५ करोड ६६ लाख १५ हजार रुपैयाँ छ। बैंकले सोही पुँजीको २.९९ प्रतिशत एफपीओ प्रिमियममा बिक्री गर्ने तयारी थालेको हो।

यस वर्ष लगानीकर्ताको हात खाली बनाएको बैंकले विगत वर्षमा लाभांश वितरण गरेको थियो। साधारणसभाले बैंक अध्यक्षमा प्रचण्डबहादुर श्रेष्ठलाई चयन गरेको छ।

साधारणसभाले संस्थापक शेयरधनीको तर्फबाट प्रचण्डबहादुर श्रेष्ठसँगै फरहान तलिव, जितेन्द्र धिताल, सुनिल बहादुर थापा, प्रतापजंग पाण्डे र सर्वसाधारण सेयरनीबाट आशीष शर्मालाई निर्विरोध निर्वाचित गरेको छ।

साधारणसभा सम्पन्न भएकै निर्वाचित सञ्चालक समिति बैठकले श्रेष्ठलाई आगामी चार वर्षे कार्यकालका लागि अध्यक्षमा चयन गर्ने निर्णय गरेको हो।

प्रकाशित मिति: सोमबार, माघ १, २०८० १६:४३

प्रतिक्रिया दिनुहोस्