रेशम चौधरी नागरिक उन्मुक्तिको अध्यक्ष चुनिए

राजनीति

गृहपृष्ठ
राजनीति

रेशम चौधरी नागरिक उन्मुक्तिको अध्यक्ष चुनिए

क्यापिटल नेपालशुक्रबार, पुस २७, २०८०

कैलाली। सत्तारुढ नागरिक उन्मुक्ति पार्टीको पहिलो महाधिवेशनले अध्यक्षमा रेशमलाल चौधरीलाई सर्वसम्मत चयन गरेको छ।यसअघि पार्टी संरक्षक रहेका चौधरीलाई टीकापुरमा भएको पहिलो महाधिवेशनले सर्वसम्मत चयन गरेको हो।

पार्टी अध्यक्षमा यसअघि धर्मपत्नी तथा भूमि व्यवस्था तथा सहकारीमन्त्री रञ्जिता श्रेष्ठ रहकी थिइन्। महाधिवेशनले पार्टीको वरिष्ठ उपाध्यक्षमा दामोदर पण्डितलाई चयन गरेको छ। पुस २६ देखि जारी महाधिवेशनमा देशभरबाट आठ हजार प्रतिनिधि टीकापुर आएका छन्।

पार्टीका अन्य पदाधिकारी पनि सर्वसम्मत चयन गर्न लागि छलफल भइरहेको जनाइएको छ। नागरिक उन्मुक्तिको केन्द्रीय समिति पाँच सय एक सदस्यीय हुने प्रावधान छ।

महाधिवेशनबाट ३३ पदाधिकारीसहित दुई सय ५४ जना चयन गरिनेछ। पार्टीका सबै पदाधिकारी तथा सदस्य निर्विरोध चयनका लागि छलफल जारी रहेको र महाधिवेशन शनिबारसम्म चल्ने केन्द्रीय सदस्य लालवीर चौधरीले जानकारी दिए।–रासस

प्रकाशित मिति: शुक्रबार, पुस २७, २०८० २०:००

प्रतिक्रिया दिनुहोस्