काठमाडौं। नेपालका लागि टाटा मोटर्सको आधिकारिक वितरक सिप्रदी ट्रेडिङले सुरु गरेको टाटा मोटर्स फन कार्निभलमा जुनसुकै ब्रान्डका गाडी साटफेर सुविधा रहेको जनाएको छ।
ग्राहकले कार्निभलमा जुनसुकै ब्रान्डका पुराना गाडीसँग टाटाका अत्याधुनिक प्रविधियुक्त नेक्सन, टियागो इभीलगायत गाडी साट्न सक्नेछन्।
ग्राहकको बदलिँदो जीवनशैली र नवीन सवारीप्रतिको रुचिलाई लक्षित गरेर मेला सञ्चालन गरिएको कम्पनीले बताएको छ। काठमाडौं उपत्यकाभित्र टाटा मोटर्स सोरुम थापाथली, वेस्टर्न मोटर्स् महाराजगञ्ज, जेबी मोटर्स बालकुमारी, सिप्रदी ट्रेडिङ राधेराधे, भक्तपुर तथा उपत्यकाबाहिर इटहरी र धनगढीमा सुरु मेला पुस २२ सम्म चल्नेछ।
मेलामा गाडी खरिद गर्ने ग्राहकका लागि विभिन्न अफरसमेत राखिएका छन्। मेलामा ग्राहकलाई टाटा मोटर्सका नयाँ तथा आधुनिक डिजाइनका गाडी टेस्ट ड्राइभ सुविधा उपलब्ध रहेको कम्पनीको भनाइ छ।
गाडी किन्ने ग्राहकले आकर्षक एक्सचेन्ज बोनस, इभी गाडीका लागि निःशुल्क रुपमा फास्ट चार्जर, १ वर्षको अटोप्लस इन्स्योरेन्स, १ वर्षको सवारी कर, एसेसरिज, सरप्राइज गिफ्ट र बम्पर उपहारमा इलेक्ट्रिकल स्कुटर प्राप्त गर्न सक्नेछ।
