एयरबस ३२० को पहिलो नेपाली परीक्षक बने पाइलट दीपु ज्वारचन

पर्यटन

गृहपृष्ठ
पर्यटन

एयरबस ३२० को पहिलो नेपाली परीक्षक बने पाइलट दीपु ज्वारचन

क्यापिटल नेपालबुधबार, पुस १८, २०८०

काठमाडौं। एयरबस ३२० को पहिलो नेपाली परीक्षक दीपु ज्वारचन बनेका छन्। ज्वाचरन नेपालको उड्डयन इतिहासमा ३२० जहाजको परीक्षक बनेको पाइलट पहिलो हुन्। ज्वारचनलाई नेपाल नागरिक उड्डयन प्राधिकरणले परीक्षक पाइलट (डीसीपी-ए) को लाइसेन्स दिएको हो।

नेपाल वायुसेवा निगममा एयरबस ३२० उडान गरिरहेका सिनियर प्रशिक्षक पाइलट ज्वारचननै एयर बस ३२० को पहिलो नेपाली परीक्षक बनेको प्राधिकरणका प्रवक्ता जगनाथ निरौलाले जानकारी दिए।

अब ज्वारचनले पाइलटहरूको परीक्षासमेत लिन पाउने भएका छन्। अहिलेसम्म नेपालमा विदेशी पाइलटबाट नै पाइलटहरूको परीक्षा लिनु पर्ने अवस्था थियो। यसअघिसम्म ज्वारचनले प्रशिक्षक पाइलटको रुपमा पाइलटहरूलाई तालिम दिन्थे।

ज्वारचन २००७ देखि नेपाल एयरलाइन्सका जहाज उडान गरिरहेका छन्। २००७ मा खुला प्रतिस्पर्धाबाट निगमको प्रवेश गरेका ज्वारचनले २०१५ सम्म ट्विनअटर जहाज उडान गरेका थिए।

उनी २००७ मा को पाइलटको रुपमा नेपाल एयरलाइन्स प्रवेश गरेका थिए। २०१५ बाट एयरबस ३२० उडान गरिरहेका ज्वारचनले २०२२ मा प्रशिक्षक पाइलटको लाइसेन्स पाएका थिए।

यसैबीचमा उनी अपरेशन विभागको प्रमुखसमेत भइसकेका छन् भने छोटो समयका लागि उनी निगमको निमित्त महाप्रबन्धकसमेत भएका थिए। प्रशिक्षक पाइलटको लाइसेन्स लिए‍को दुई वर्षनबित्दै उनले परीक्षक पाइलटको लाइसेन्स पाएका हुन्।

प्रकाशित मिति: बुधबार, पुस १८, २०८० ०८:३७

प्रतिक्रिया दिनुहोस्