काठमाडौं। नेपालका लागि टाटा मोटर्सको अधिकारिक वितरक सिप्रदी ट्रेडिङ प्रालिले एकैसाथ पाँच स्थानमा टाटा मोटर्स फन कार्निभल ३.० कार्यक्रम आयोजना गर्ने भएको छ।
मेलामा जुनसुकै ब्रान्डका पुराना गाडीसँग नेपालमा सर्वाधिक रुचाइएका टाटाका अत्याधुनिक प्रविधियुक्त नेक्सन इभी, टियागो इभीलगायतका गाडी साटफेर गर्न सकिने कम्पनीले जनाएको छ।
ग्राहकको परिवर्तित जीवनशैली र अत्याधुनिक सवारीप्रतिको रुचिलाई लक्षित गरी मेलाको आयोजना गरिन लागेको कम्पनीले बताएको हो।
फन कार्निभल ३.० मा टाटाका गाडी किन्ने ग्राहकले आकर्षक एक्सचेन्ज बोनस, निःशुल्क रुपमा इभी गाडीका लागि फास्ट चार्जर, १ वर्षको अटोप्लस इन्स्योरेन्स, १ वर्षको सवारी कर, एसेसरिज, सरप्राइज गिफ्ट र बम्पर उपहारमा इलेक्ट्रिकल स्कुटर प्राप्त गर्नेछन्।
मेला पुस २० देखि २२ सम्म उपत्यकाभित्र टाटा मोटर्स सोरुम थापाथली, वेस्टर्न मोटर्स महाराजगञ्ज, जेबी मोटर्स बालकुमारी, सिप्रदी ट्रेडिङ राधेराधे भक्तपुर र उपत्यका बाहिर इटहरी र धनगढीमा आयोजना गर्न लागिएको हो।
फन कार्निभल ३.० मा टाटाका गाडी किन्ने ग्राहकले आकर्षक एक्सचेन्ज बोनस, निःशुल्क रुपमा इभी गाडीका लागि फास्ट चार्जर, १ वर्षको अटोप्लस इन्स्योरेन्स, १ वर्षको सवारी कर, एसेसरिज, सरप्राइज गिफ्ट र बम्पर उपहारमा इलेक्ट्रिकल स्कुटर प्राप्त गर्नेछन्।
कार्निभलको मुख्य उद्देश्य ग्राहकलाई खेल तथा मनोरञ्जनमार्फत नौलो अनुभूति दिलाएर गाडी खरिद गर्न उत्प्रेरित गराउनु रहेको कम्पनीको भनाइ छ। मेला अवसरमा ग्राहकले टाटा मोटर्सका नयाँ तथा अत्याधुनिक डिजाइनका उत्पादन अवलोकन तथा टेस्ट ड्राइभ गर्न सक्नेछन्।
