नेप्सेमा ३५.३९ अंकको वृद्धि, ७ अर्ब बढीको कारोबार

सेयर

गृहपृष्ठ
सेयर

नेप्सेमा ३५.३९ अंकको वृद्धि, ७ अर्ब बढीको कारोबार

क्यापिटल नेपालबुधबार, पुस ४, २०८०

काठमाडौं। बुधबार सेयर बजार सूचक नेप्से ३५.३९ अंकले बढेको छ। केही दिनयता निरन्तर उकालो लागेको नेप्से बुधबार पनि ३५.३९ अंक अर्थात् १.६८ प्रतिशतले बढेर २ हजार १ सय ४१.८७ बिन्दुमा पुगेको हो।

अघिल्लो दिन मंगलबार नेप्से ४५.९८ अंकले बढेको थियो। नेप्सेका अनुसार बुधबार कुल ७ अर्ब बढीको कारबार भएको छ। मंगलबार कुल ५ अर्ब ९८ करोड रुपैयाँ बराबरको कारोबार भएको थियो।

बुधबार कारोबार भएकामध्ये १ सय ६१ कम्पनीको सेयर मूल्य बढेको छ भने ७८ कम्पनीको घटेको छ। यस्तै, ५ कम्पनीको सेयर मूल्य स्थिर रह्यो।

बुधबार १० कम्पनीको सेयर मूल्यमा सकरात्मक सर्किट लाग्दा ४ कम्पनीको सेयर मूल्यमा ९ प्रतिशत बढीको वृद्धि भएको छ। यस्तै, कुमारी धनवृद्धि योजनाका लगानीकर्ताले सर्वाधिक गुमाएका छन्। यस कम्पनीको सेयर मूल्य ३.८२ प्रतिशतले गिरावट आएको छ।

प्रकाशित मिति: बुधबार, पुस ४, २०८० १६:१३

प्रतिक्रिया दिनुहोस्