शोधनान्तर स्थिति १ खर्ब ४७ अर्ब, चालू खाता ९६ अर्बले बचतमा

अर्थतन्त्र

गृहपृष्ठ
अर्थतन्त्र

शोधनान्तर स्थिति १ खर्ब ४७ अर्ब, चालू खाता ९६ अर्बले बचतमा

क्यापिटल नेपालबिहीबार, मंसिर २८, २०८०

काठमाडौं। चालू आर्थिक वर्ष २०८०/८१ को पहिलो चार महिनामा शोधनान्तर स्थिति १ खर्ब ४७ अर्ब ११ करोड रुपैयाँले बचतमा रहेको छ।

नेपाल राष्ट्र बैंकले बिहीबार सार्वजनिक गरेको चालू आर्थिक वर्ष २०८०/८१ को चार महिनाको वित्तीय स्थितिअनुसार अघिल्लो वर्षको सोही अवधिमा शोधनान्तर स्थिति २० अर्ब ३ करोडले बचतमा थियो।

अमेरिकी डलरमा शोधनान्तर स्थिति समीक्षा अवधिमा १ अर्ब ११ करोडले बचतमा रहेको छ। अघिल्लो वर्ष सोही अवधिमा १४ करोड ९६ लाखले बचतमा थियो।

समीक्षा अवधिमा चालू खाता ९६ अर्ब ३८ करोडले बचतमा छ। अघिल्लो वर्ष सोही अवधिमा चालू खाता ३७ अर्ब ७९ करोडले घाटामा थियो। अमेरिकी डलरमा अघिल्लो वर्ष सोही अवधिमा २९ करोड ६१ लाखले घाटामा रहेको चालू खाता समीक्षा अवधिमा ७२ करोड ५१ लाखले बचतमा छ।

केन्द्रीय बैंकका अनुसार समीक्षा अवधिमा पुँजीगत ट्रान्सफर ४६.६ प्रतिशतले कमी आई १ अर्ब ५९ करोड कायम भएको छ भने खुद प्रत्यक्ष वैदेशिक लगानी ३ अर्ब ६४ करोड रहेको छ। अघिल्लो वर्ष सोही अवधिमा पुँजीगत ट्रान्सफर २ अर्ब ९७ करोड कायम भएको थियो भने खुद प्रत्यक्ष वैदेशिक लगानी ४२ करोड ९२ लाख थियो।

प्रकाशित मिति: बिहीबार, मंसिर २८, २०८० १४:००

प्रतिक्रिया दिनुहोस्