ढोकाको सिसा खसेपछि तारा एयरको जहाज ग्राउन्डेड

पर्यटन

गृहपृष्ठ
पर्यटन

ढोकाको सिसा खसेपछि तारा एयरको जहाज ग्राउन्डेड

क्यापिटल नेपालआइतबार, मंसिर २४, २०८०

काठमाडौं। काठमाडौंबाट लुक्ला उडानको क्रममा तारा एयरको जहाजको ढोकाको सिसा खसेपछि उड्डयन नियामक नेपाल नागरिक उड्डयन प्राधिकरणले उक्त जहाज ग्राउन्डेड गराएको छ।

प्राधिकरणका सूचना अधिकारी ज्ञानेन्द्र भूलले जहाजमा रहेको ढोकाको सिसा कसरी झर्यो भन्ने विषयमा अध्ययन गर्नका लागि ग्राउन्डेड गरिएको बताए। तारा एयरको नाइन एन एएलओ कल साइनको कार्गो उडानको क्रममा जहाजको आपतकालीन ढोकाको सिसा खसेको हो।

जहाज बिहान ९ः३१ मा काठमाडौंबाट ११ सय २६ केजी सामान लिएर उडेको थियो। त्रिभुवन अन्तर्राष्ट्रिय विमानस्थलका प्रवक्ता सुवास झाले जहाजको आपतकालीन ढोकाको सिसा बीच रुटमै खसेको पाइएको बताए। जहाजमा दुई जना प्यासेन्जर पनि थिए।

प्रकाशित मिति: आइतबार, मंसिर २४, २०८० १४:१६

प्रतिक्रिया दिनुहोस्