नक्कली भुटानी शरणार्थी प्रकरण : खाणको निवेदनमा मंसिर २८ गते सुनुवाइ

राजनीति

गृहपृष्ठ
राजनीति

नक्कली भुटानी शरणार्थी प्रकरण : खाणको निवेदनमा मंसिर २८ गते सुनुवाइ

क्यापिटल नेपालबुधबार, मंसिर २०, २०८०

काठमाडौं। उच्च अदालत पाटनमा नक्कली भुटानी शरणार्थी प्रकरणमा पुर्पक्षका लागि थुनामा रहेका पूर्वमन्त्री बालकृष्ण खाणको निवेदनमाथि मंसिर २८ मा सुनुवाइ हुने भएको छ।

अदालतका न्यायाधीशद्वय प्रकाश खरेल र जनक पाण्डेको संयुक्त इजलासमा मंसिर १५ गते राय बाझी निर्णय सुनाइएपछि उक्त विवाद तेस्रो न्यायाधीशसमक्ष पेस गरी सुनुवाइ गर्ने तय भएको थियो।

न्यायाधीश पाण्डेले थुनामा पठाउने जिल्ला अदालत काठमाडौंको आदेश बदर गरी ३० लाख धरौटीमा छाड्ने राय दिएका थिए भने न्यायाधीश खरेलले धरौटीमा छाड्न नमिल्ने राय दिएका थिए।

उच्च अदालत पाटनका प्रवक्ता तीर्थराज भट्टराईका अनुसार पूर्वमन्त्री खाणको मुद्दामा दुई न्यायाधीशको राय बाझिएपछि निवेदन तेस्रो न्यायाधीशको इजलासमा पठाउने आदेशअनुसार मंसि २८ गते एकल इजलासमा सुनुवाइ गर्ने तय भएको छ।

अदालतले उक्त विवादमा नौजना प्रतिवादीका हकमा थुनामा पठाउने काठमाडौं जिल्ला अदालतको आदेश सदर गरेको थियो भने ६ जना प्रतिवादीका हकमा थुनामै राख्ने काठमाडौं जिल्ला अदालतको आदेश बदर गरी धरौटी माग गर्ने आदेश दिएको थियो।

त्यसैगरी लक्ष्मी महर्जन, आशिष बुढाथोकी, टंककुमार गुरुङ र केशव तुलाधरलाई साधारण तारेखमै थुनामुक्त गर्ने आदेश गरेको थियो।

प्रकाशित मिति: बुधबार, मंसिर २०, २०८० २१:१३

प्रतिक्रिया दिनुहोस्