एनसेल खरिद-बिक्रीले नेपालको लोकतान्त्रिक विधि र सुशासनको खिल्ली उडायो : रास्वपा

प्रविधि

गृहपृष्ठ
प्रविधि

एनसेल खरिद-बिक्रीले नेपालको लोकतान्त्रिक विधि र सुशासनको खिल्ली उडायो : रास्वपा

क्यापिटल नेपालबुधबार, मंसिर २०, २०८०

काठमाडौं। राष्ट्रिय स्वतन्त्र पार्टी (रास्वपा) सांसद स्वर्णिम वाग्ले र विराजभक्त श्रेष्ठले एनसेलको सेयर खरिद-बिक्रीसम्बन्धमा अर्थ समितिलाई ध्यानाकर्षण पत्र बुझाएका छन्।

एनसेल खरिद-बिक्री विवादमा परेपछि उनीहरूले समितिलाई ध्यानाकर्षण गराएका हुन्।

उनीहरूले ‘आर्थिक कुशासन र ‘रेपुटेसनल कस्ट’ वार्षिक दसौं अर्ब रुपैयाँको कारोबार गर्ने एनसेलले नेपालका प्रमुख राजनीतिक नेता, कर्मचारी, नीतिनिर्माता, मिडिया आदिलाई अनुचित लाभ र प्रलोभन दिँदै प्रभावमा पार्ने गरेको आरोपले लोकतान्त्रिक विधि र सुशासनको खिल्ली उडाउँदै आएको’ उल्लेख गरेका छन्।

अनुकरणीय हुनुपर्ने ठूलो विदेशी लगानी भएको एउटा महत्वपूर्ण कम्पनी निरन्तर विवादमा परिरहनाले नेपालका छविमा आघात पुगेको उनीहरूको भनाइ छ।

नेपाली मूलका साझेदारका संदिग्ध गतिविधिबारे वर्षौंदेखि चर्चा हुँदै गर्दा अहिले एनसेलको स्वामित्व सतप्रतिशत उनकै परिवारमा गएको बताइनु र सार्वजनिक भएको सेयर खरिद सम्झौतामा उल्लेखित ‘फिक्स्ड कन्सिडरेसन’ र ‘कन्डिसनल कन्सिडरेस’ का अपत्यारिला सर्तले सन्देह निम्त्याउँदै सम्झौताको नियतमाथि उठेका प्रश्नको अविलम्ब स्पष्टीकरण लिइनुपर्ने उनीहरूको माग छ।

367357099_356710746945039_7284093316422250768_n-1701845179.jpg