एनसेल सेयर खरिद–बिक्रीको अनुसन्धान गर्न संयुक्त विद्यार्थी संगठनको माग

प्रविधि

गृहपृष्ठ
प्रविधि

एनसेल सेयर खरिद–बिक्रीको अनुसन्धान गर्न संयुक्त विद्यार्थी संगठनको माग

क्यापिटल नेपालमंगलबार, मंसिर १९, २०८०

काठमाडौं। विभिन्न विद्यार्थी संगठनहरुले एनसेलको खरिदबिक्री सम्बन्धमा अनुसन्धान गर्न सरकारसँग माग गरेका छन्।

मंगलवार एक संयुक्त विज्ञप्ति जारी गर्दै विद्यार्थी संगठनहरुले एनसेलले नेपालको कर प्रणाली छलेर सेयर खरिद बिक्री गरेको र यसबारे नियमनकारी निकायलाई जानकारी नदिएको विषयप्रति गम्भीर ध्यानाकर्षण भएको भन्दै तत्काल अनुसन्धान गरी आवश्यक कारबाही गरिनुपर्ने माग गरेका हुन्।

विद्यार्थी संगठनको विज्ञप्तिमा कानुन बमोजिम नेपाल सरकारको स्वामित्वमा आउने सुनिश्चित हुँदाहुँदै अनुमति र स्वीकृति प्रदान गर्ने निकायहरूले देखाएको उदासीनता माथि पनि सरकारले कारबाही अघि बढाउनुपर्ने उल्लेख गरिएको छ।
नेविसंघ, अखिल (क्रान्तिकारी), अनेरास्ववियू, अखिल (क्रान्तिकारी), समाजवादी विद्यार्थी युनियन, नेपाल र अखिल छैटौँद्वारा विज्ञप्ति जारी गरिएको छ।

जसमा देशको सुशासन, विकास र अग्रगतिलाई बाधा पु¥याउन उद्धत एनसेलका सम्पूर्ण कारोबारहरूलाई तत्काल रोकेर अनुसन्धान र कारबाही गर्न नेपाल सरकार समक्ष माग गरेका छन्।

प्रकाशित मिति: मंगलबार, मंसिर १९, २०८० १२:३५

प्रतिक्रिया दिनुहोस्