सामाजिक सञ्जाल नियमन गर्न विधेयक ल्याइने, यस्तो छ सरकारको निर्णय

प्रविधि

गृहपृष्ठ
प्रविधि

सामाजिक सञ्जाल नियमन गर्न विधेयक ल्याइने, यस्तो छ सरकारको निर्णय

क्यापिटल नेपालबिहीबार, मंसिर १४, २०८०

काठमाडौं। सरकारले सामाजिक सञ्जालको प्रयोगलाई नियमन, सञ्चालन तथा व्यवस्थापन गर्न विधेयक तर्जुमा गर्ने भएको छ।

मन्त्रिपरिषद्को बुधबारको बैठकले सामाजिक सञ्जालको प्रयोगलाई नियमन (सञ्चालन तथा व्यवस्थापन) गर्ने सम्बन्धी विधेयक तर्जुमा गर्न सैद्धान्तिक स्वीकृति प्रदान गर्ने निर्णय गरेको छ।

साथै, नेपाल मिडिया काउन्सिल सम्बन्धी विधेयक तर्जुमा गर्न सैद्धान्तिक स्वीकृति प्रदान गर्ने निर्णय पनि गरेको छ। राष्ट्रिय आमसञ्चार सम्बन्धी विधेयक तर्जुमा गर्न सैद्धान्तिक स्वीकृति प्रदान गर्ने निर्णय पनि सरकारले गरेको छ।

यस्तै मन्त्रिपरिषद् बैठकले नेपाल स्वास्थ्य व्यवसायी परिषद्को अध्यक्षमा सुवोधकुमार शर्मालाई मनोनयन गर्ने निर्णय गरेको छ। स्वास्थ्य बिमा बोर्डको अध्यक्षमा डा. गुणराज लोहनीलाई नियुक्त गरेको छ।

प्रकाशित मिति: बिहीबार, मंसिर १४, २०८० १९:४५

प्रतिक्रिया दिनुहोस्