काठमाडौं महानगरले ३ महिनामा उठायो २ अर्ब राजस्व

अर्थतन्त्र

गृहपृष्ठ
अर्थतन्त्र

काठमाडौं महानगरले ३ महिनामा उठायो २ अर्ब राजस्व

क्यापिटल नेपालआइतबार, मंसिर १०, २०८०

काठमाडौं। चालु आर्थिक बर्षको पहिलो त्रैमाशमा काठमाडौँ महानगरपालिकाले लक्ष्यको २७.११ प्रतिशत राजस्व संकलन गरेको छ।

१० अर्ब ८० करोड ७८ लाख २० हजार रुपैयाँको वार्षिक लक्ष्यमा साउन, भदौ, असोज र कार्तिक गरी ४ महिनामा २ अर्ब ९२ लाख ९६ हजार ९ हजार ७२९ रुपैयाँ राजस्व संकलन भएको महानगरको विभागका प्रमुख ध्रुवकुमार काफ्लेले जानकारी दिए।

गएको वर्ष यस अवधिमा २६.४९ प्रतिशत राजस्व उठेको थियो। त्यो बर्ष १० अर्व ४१ करोड ९५ लाख ४९ हजार रुपैयाँ लक्ष्य राखेकोमा २ अर्ब ७५ करोड ९८ लाख ६४ हजार ५६५ रुपैयाँ संकलन भएको थियो।

शीर्षकगत रुपमा हेर्दा प्रशासनिक सेवा शुल्कमा लक्ष्यको सबैभन्दा धेरै १ सय ४७ प्रतिशत धेरै रकम संकलन भएको छ। यसमा २० लाख रुपैयाँ वार्षिक लक्ष्य राखिएको थियो ।

१ अर्ब ५० करोड लक्ष्य राखिएको सम्पत्ति करमा ४१ करोड ८६ लाख ९३ हजार ५५४ रुपैयाँ (२७.९१ प्रतिशत) राजस्व संकलन भएको छ। गएको वर्ष यस शीर्षकमा १ अर्ब रुपैयाँ लक्ष्य राखिएको थियो।

प्रकाशित मिति: आइतबार, मंसिर १०, २०८० १२:५६

प्रतिक्रिया दिनुहोस्