एजेन्सी। आफ्नो विद्युत आपूर्ति विस्तार गर्न खोजिरहेको फिलिपिन्समा लगानीको बाटो स्पष्ट गर्दै अमेरिकाले बिहीबार आणविक सहयोग सम्झौतामा हस्ताक्षर गरेको छ।
फिलिपिन्सका राष्ट्रपति फर्डिन्यान्ड मार्कोसको उपस्थितिमा रक्षामन्त्रीले अमेरिकी विदेशमन्त्री एन्टोनी ब्लिङ्केनसँग उक्त सम्झौतामा हस्ताक्षर गरे। एक वर्षभन्दा बढी समयदेखि सत्तामा रहेका मार्कोस अमेरिकाको घनिष्ठ सहयोगी बनेका छन्।
‘हामीले सन् २०३२ सम्म आणविक ऊर्जा फिलिपिनी ऊर्जा मिश्रणको एउटा हिस्सा बन्ने देखेका छौं र हामी आफ्नो साझेदारमध्येको एक अमेरिकासँग उक्त मार्गमा अगाडि बढ्न पाएकामा अत्यन्त खुसी छौं,’ मार्कोसले भने, ‘आणविक ऊर्जा एउटा यस्तो क्षेत्र हो जसमा हामीले फिलिपिन्स–अमेरिका गठबन्धन र साझेदारी वास्तवमै हाम्रा जनता, अर्थतन्त्र र पर्यावरणका लागि काम गरेको देखाउन सक्छौं।’
उनका अनुसार बढ्दो ऊर्जा माग पूरा गर्न सम्पूर्ण देशका लागि किफायती, भरपर्दो र दिगो ऊर्जा आपूर्ति निर्माण गर्न पहिले गरेको वाचा पूरा गर्न लागिएको हो।
ब्लिङ्केनसँग हस्ताक्षरित सम्झौताले फिलिपिन्सलाई आणविक हतियार उत्पादन गर्न हस्तान्तरण गरिएको आणविक सामग्री प्रयोगविरुद्ध सुरक्षा गर्न प्रतिबद्ध गर्छ।
अमेरिकी आणविक ऊर्जा ऐनमा उसको खण्डपछिको १२३ सम्झौता भनेर चिनिने उक्त सम्झौता प्रसारसँग सम्बन्धित कानुनहरूको उल्लंघनबाट सावधान बनाउन अमेरिकी आणविक कम्पनीहरूको लगानीका लागि महत्त्वपूर्ण छन्।
अमेरिकी उपराष्ट्रपति कमला ह्यारिसले २०२२ नोभेम्बरमा फिलिपिन्स भ्रमणका क्रममा १२३ सम्झौता सुरुवात घोषणा गरेकी थिइन्। विदेशमन्त्री ब्लिङ्केनले एक वर्ष पूरा भएको १२३ सम्झौताका लागि सबैभन्दा द्रुत भएको बताइन्।
हालै वर्षमा अमेरिकाले दुर्घटनाका जोखिमबारे पर्यावरणविदहरूको चिन्ता अस्वीकार गर्दै ऊर्जाको भरपर्दो र कार्बनमुक्त रूपमा आणविक ऊर्जालाई उत्साहपूर्वक अँगालेको छ।
‘फिलिपिन्समा २०४० सम्ममा ऊर्जाको उच्चतम माग झन्डै चार गुणाले बढ्ने अपेक्षा गरिएको छ। आणविक ऊर्जाले धेरै हरितगृह ग्यास उत्सर्जन नगरी निरन्तर समुदायको महत्त्वपूर्ण आवश्यकता पूरा गर्न पर्याप्तमात्रामा ऊर्जा उत्पादन गर्न सक्छ,’ विदेशमन्त्री ब्लिङ्केनले भने।
फिलिपिन्समा पहिलेदेखि नै यस क्षेत्रको सबैभन्दा धेरै ऊर्जा लागत छ। यसको मुख्य द्वीप लुजोनलाई करिब ४० प्रतिशत विद्युत् आपूर्ति गर्ने मालाम्पाया ग्यास क्षेत्र केही वर्षभित्र सुक्न सक्ने अपेक्षा गरिएपछि फिलिपिन्सले आसन्न सङ्कट सामना गर्नुपरिरहेको छ।
फिलिपिन्सले आफ्नो जलवायु लक्ष्यको हिस्साका रूपमा आणविकलगायत ऊर्जा समावेश नभएको नवीकरणीय ऊर्जामार्फत २०३० सम्ममा विद्युत् उत्पादन ३५ प्रतिशत र २०४० सम्ममा ५० प्रतिशत बनाउने लक्ष्य राखेको छ।
-1732445197.jpg)
