उच्च अदालतका लागि २७ जना न्यायाधीशमा सिफारिस

मुख्य समाचार

गृहपृष्ठ
मुख्य समाचार

उच्च अदालतका लागि २७ जना न्यायाधीशमा सिफारिस

क्यापिटल नेपालशुक्रबार, भदौ २९, २०८०

काठमाडौं। शुक्रबार बसेको न्याय परिषद बैठकले उच्च अदालतका लागि २७ न्यायाधीशको सिफारिस गरेको छ।

प्रधानन्यायाधीश एवं न्याय परिषद् अध्यक्ष विश्वभरप्रसाद श्रेष्ठको अध्यक्षतामा बसेको बैठकले न्यायाधीश नियुक्तिका लागि २७ जनाको नाम सिफारिस गरेको हो।

न्याय, कानुन, सरकारी वकिल, कानुन व्यवसायी र कानुन मन्त्रालयसहितका योग्यता पुगेका व्यक्तिलाई समेटेर न्यायाधीश नियुक्तिको सिफारिस गरिएको छ।

परिषद अध्यक्ष एवं प्रधानन्याायधीश श्रेष्ठ, कानुनमन्त्री धनराज गुरुङ, वरिष्ठतम् न्यायाधीश ईश्वरप्रसाद खतिवडा र न्याय परिषद्का दुई सदस्य रामप्रसाद श्रेष्ठ र रामप्रसाद सिटौला संलग्न परिषद बैठकले उक्त निर्णय लिएको हो।

दुई वर्षदेखि उच्च अदालतमा न्यायाधीश नियुक्ति हुन सकेको थिएन। नयाँ प्रधानन्यायाधीश श्रेष्ठले नियुक्ति हुनेबित्तिकै उच्च अदालतको न्यायाधीशका लागि पहल गरेका थिए।

प्रकाशित मिति: शुक्रबार, भदौ २९, २०८० १६:०३

प्रतिक्रिया दिनुहोस्