काठमाडौं। काठमाडौं। बनस्थलीस्थित काठमाडौं बिजनेस क्याम्पस (केबीसी) ले सञ्चालन गरेको ‘टेक ट्रेन्ड्स २०२३’ सिम्पोजियम कार्यक्रम आइतबार सम्पन्न भएको छ। केबिसीको परिसरमा सम्पन्न सिम्पोजियम कार्यक्रममा आइटी क्षेत्रका विज्ञको प्रस्तुति थियो।
कार्यक्रममा पछिल्लो समय चर्चामा रहेको आर्टिफिसियल इन्टेलिजेन्स (एआई), डाटा साइन्स र साइबर सुरक्षाको विषयलाई तीनवटा शत्रमा विभाजन गरी विस्तृतरूपमा छलफलसमेत गरिएको थियो । कार्यक्रमको प्रारम्भमा ‘जिरो वेस्ट वेबसाइट’ सार्वजनिक गरिएको थियो। उक्र ‘एप’ काठमाडौं बिजनेस क्याम्पसको बिसिएमा अध्ययनरत तेस्रो सेमेष्टरका विद्यार्थीले बनाएका हुन्। साथै, काठमाडौं बिजनेस क्याम्पसले आफ्नो नयाँ लोगो पनि सो अवसरमा सार्वजनिक गरेको थियो।
कार्यक्रममा ‘इमर्जिङ ट्रेन्ड्स इन आइसिटीः अवसर र चुनौतीहरू’ विषयमा समिर थापाले प्रस्तुति दिएका थिए। पहिलो शत्रमा विभिन्न विषयमा रोजेश सिखाकर, इन्जिनियर तथा शिक्षा, विज्ञान तथा प्रविधि मन्त्रालयका प्रवक्ता योगेश अर्याल र सुमन सापकोटाको प्रस्तुती रहेको थियो। उनले नेपालमा प्रविधि क्षेत्रमा निकै कम लगानी भएकाले यसको विकासमा पछि परेको बताए।
यसैगरी कार्यक्रममा एसिया प्रोजेक्ट फाउन्डेसनका निर्देशक साजना महर्जन अमात्य, श्रीप्रसाद खनाल र पदमराज पन्तको प्रस्तुती रहेको थियो। यस्तै ‘नेटवर्किङ एन्ड साइबर सेक्युरिटी’बारे टोरन्टो विश्वविद्यालयका विज्ञ डा. डिल्ली शर्माको प्रस्तुति रहेको थियो।
सुबिसु केबल नेटका रामकृष्ण परियार, पंकजकुमार ठाकुर र रमेश पोखरेलको समेत कार्यक्रममा प्रस्तुती रहेको थियो। सिम्फोजियम कार्यक्रममार्फत विद्यार्थीले आफूलाई कुन विषय पढ्दा सक्षम र गुणस्तरिय शिक्षा प्राप्त गर्न सकिन्छ भन्नेबारे बुझ्ने मौका मिलेको काठमाडौँ बिजनेस क्याम्पसले विश्वास लिएको छ। क्याम्पसले यसअघि पनि विभिन्न कार्यक्रम आयोजना गर्दै आएको थियो।
