इन्टरनेट सेवा गुणस्तर बढाउन क्लासिक टेक र जेडटिईबीच साझेदारी

प्रविधि

गृहपृष्ठ
प्रविधि

इन्टरनेट सेवा गुणस्तर बढाउन क्लासिक टेक र जेडटिईबीच साझेदारी

क्यापिटल नेपालबुधबार, भदौ २०, २०८०

काठमाडौं। इन्टरनेट सेवा प्रदायक कम्पनी क्लासिक टेकले आफ्नो भरपर्दो र उच्च गुणस्तरीय नेटवर्किङ कम्पोनेन्टहरूका लागि परिचित अन्तर्राष्ट्रिय बहुराष्ट्रिय कम्पनी जेडटिई कर्पोरेसनसँग साझेदारी घोषणा गरेको छ।

यो साझेदारीले इन्टरनेट सेवा क्षेत्रमा महत्वपूर्ण कोसेढुंगा हुने कम्पनीले जनाएको छ। कम्पनीले आफ्नो नेटवर्क पूर्वाधार विस्तार गर्न जेडटिईसँग हात मिलाएको हो। कम्पनीले आफ्ना ग्राहकहरूलाई अतुलनीय इन्टरनेट अनुभव प्रदान गर्न जेडटिईका अत्याधुनिक डुअल ब्यान्ड ५ जिएचजेड ओएनयुहरू ल्याउनेछ।

यसबाट ग्राहकहरूले छिटो इन्टरनेट गति, विश्वसनीयता र उच्च गुणस्तरका उपकरणहरू पाउनेछन्। यस सहकार्यले उत्कृष्ट इन्टरनेट सेवाहरू प्रदान गर्न र यसका प्रयोगकर्ताकाे बढ्दो माग पूरा गर्न क्लासिक टेकको प्रतिबद्धतालाई जोड दिने कम्पनीको भनाइ छ।

क्लासिक टेकले साना घरपरिवारदेखि ठूला निगमसम्मका ग्राहक मागअनुसार सेवा दिँदै आइरहेको छ।जेडटिई कर्पोरेसन दूरसञ्चार र सूचना प्रविधिमा एक विश्वव्यापी कम्पनी हो।

प्रकाशित मिति: बुधबार, भदौ २०, २०८० १०:३५

प्रतिक्रिया दिनुहोस्