काठमाडौं। सामसङ, हिमस्टार, चिन्ट, इन्डोएसियन, गलान्ज र अहुजाजस्ता स्तरीय ब्रान्डका लागि प्रख्यात गन्तव्य स्विचअन रिटेलले भक्तपुरमा आफ्नो नयाँ आउटलेट सुरु गरेको छ।
सङ जुन पार्क (प्रमुख–सामसंग इलेक्ट्रोनिक्स नेपाल शाखा), शेखर गोल्छा (अध्यक्ष र एमडी, गोल्छा ग्रुप) रसीमा गोल्छा (निर्देशक, हिम इलेकट्रोनिक्स) ले स्विचअन रिटेलको उद्घाटन गरेका हुन्। यसको राजधानीमा गुणस्तरीय घरेलु उत्पादन र उत्कृष्ट ग्राहक सेवाको बढ्दो मागलाई पूरा गर्नु रहेको जनाइएको छ।
काठमाडौं नक्सालमा रहेको स्विचअन रिटेलको प्रमुख आउटलेटले पहिले नै यसको प्रिमियम सेवा दिँदै आएको छ। ‘स्वीच अन रिटेललाई भक्तपुरमा परिचय गराउन पाउँदा हामी हर्षित छौ,’ हिम इलेकट्रोनिक्सकी निर्देशक सीमा गोल्छाले भनिन्, ‘हाम्रो नयाँ आउटलेट घरेलु आवश्यकता पूरा गर्दै उपकरण र उत्पादनको विस्तृत शृङ्खला प्रदान गर्न समर्पित छ। हामी भक्तपुर समुदायको सेवा गर्न तत्पर छौं।’
स्वीचअन रिटेल, भक्तपुरले विभिन्न अत्यावश्यक घरेलु वस्तुहरू प्रदर्शन गर्नेछ, जहाँ प्रतिष्ठित ब्रान्डका टिभी, फ्रिजदेखि लिएर बल्बजस्ता विद्युतीय वस्तुहरू सबै पाइने जनाइएको छ।
