एजेन्सी। निरन्तर ओरालो लागेको पेट्रोलियम पदार्थको भाउ पुनः उकालो लाग्न थालेको छ। साउदी अरबको स्वैच्छिक कटौती र चुहावट जोखिमका कारण नाइजेरियाको फोर्काडोस टर्मिनलमा कच्चा तेल 'लोड' निलम्बन गरेका कारण तेल निर्यातक राष्ट्रहरूको संगठन (ओपेक) बाट कम तेल आपूर्ति भइरहेको छ।
समाचार संस्था रोयटर्सको सर्वेक्षणले गत जुनभन्दा जुलाईमा ८ लाख ४० हजार ब्यारेल तेल उत्पादन कम भएको छ। अहिले ओपेकले उत्पादन बढाउन पुनर्विचार गर्ने कुनै संकेत देखाएको छैन।
तेलको मूल्य उकालाे लागिरहेकाे छ। याे साता सुरुमा ब्रेन्ट क्रुडमा कच्चा तेलको मूल्य बढेर ब्यारेलको ८५ डलर पुगेको छ। डब्लुटिआईमा प्रतिब्यारेल ८२ डलर नजिक पुगेको छ। यदि आवश्यक भए ओपेकले उत्पादनलाई द्रुत गतिमा बढाउने छ।
विश्लेषकका अनुसार साउदी अरबलाई आफ्नो महत्वाकांक्षी 'भिजन २०३०' लाई समर्थन गर्न तेलको मूल्य प्रतिब्यारेल ९० डलरमा चाहिन्छ। उच्च मूल्यले माग कमजोर पार्न सक्छ र ओपेक सदस्यले नचाहेको 'बुमराङ' प्रभाव 'हिट' गर्न सक्छ।
तै पनि मूल्य धेरै माथि पुगे यसले तेलको माग घटाउन थाल्ने छ किनभने साउदी अरबले अहिले जानाजान तेल उत्पादन कटौती गरिरहेको छ। नाइजेरिया र अंगोलाले आफ्नो ओपेक कोटा राज्यहरू तेल उत्पादन गर्न असमर्थ भएकाे जनाएका छन्। अमेरिकी सेल प्याचमा उत्पादन वृद्धि सुस्त हुँदा लिबियाको उत्पादन फेरि अवरुद्ध भएको छ।
ओपेकले तेल उत्पादन कटौती जारी राखे यसको असर विश्वबजारमा पर्ने देखिन्छ। यसको मतलब यो वर्ष अन्त्यअघि ने फेरि विश्वबजारमा कच्चा तेलको भाउ आकासिएर ब्यारेलको १ सय डलर पुग्न सक्छ।
पहिले विश्वव्यापी इन्धन सूचीस्तरले अन्तर्राष्ट्रिय तेलको मूल्यमा धेरै प्रभाव पारेको थिएन। रुसमाथि पश्चिमी देशकाे प्रतिबन्धका कारण परिस्थितिमा बदलाव आएको जेपी मोर्गनका विश्लेषकले बताएका छन्। जेपी मोर्गानका अनुसार अमेरिकी डलरबाहेक अन्य मुद्रामा बढी तेल र इन्धन कारोबार भइरहेको छ।
ओपेक र अन्तर्राष्ट्रिय ऊर्जा एजेन्सी दुवैले सन् २०२३ को वार्षिक माग वृद्धि गति दैनिक २० लाख ब्यारेलभन्दा बढी हुने अनुमान गरेका छन्।
चीनबाट पछिल्लो समय आयात र इन्भेन्टरी तथ्यांकले बलियो तेलको माग पुष्टि गरेको छ। चीनलाई सबै देशले विश्वव्यापीरूपमा सबैभन्दा ठूलो तेल खपत गर्ने देशका रूपमा हेर्छन्। चीनकाे तेल आयात लगभग कीर्तिमान गतिमा चलिरहेको छ।
भण्डारणमा तेलको माग द्रुतरूपमा बढिरहेको छ। साउदी अरब कति समयसम्म आफ्नो स्वैच्छिक कटौतीमा अडिग रहन्छ, त्यसैमा मूल्य निर्भर हुनेछ। कूल ग्रार्हस्थ उत्पादन (जिडिपी) तथ्यांकले दोस्रो त्रैमासिकमा तेलको मूल्यमा गिरावट आएपछि यसको अर्थतन्त्र सुस्त भएको देखाउँछ।
ब्लुमबर्गका अनुसार रुसले तेल उत्पादन बढाउन ड्रिलिङ गरिरहेको छ। यसको मतलब सम्भावित अतिरिक्त मूल्य घटाउन यसले टेवा दिन सक्छ।
