अतिकम विकसित मुलुकबाट स्तरोन्नति हुँदा पर्न सक्ने प्रभावप्रति सचेत हुनुपर्छ : अध्यक्ष अग्रवाल

उद्योग

गृहपृष्ठ
उद्योग

अतिकम विकसित मुलुकबाट स्तरोन्नति हुँदा पर्न सक्ने प्रभावप्रति सचेत हुनुपर्छ : अध्यक्ष अग्रवाल

क्यापिटल नेपालशुक्रबार, साउन १२, २०८०

काठमाडौं। नेपाल उद्योग परिसंघका अध्यक्ष राजेशकुमार अग्रवालले अतिकम विकसित मुलुकबाट स्तरोन्नति हुँदा पर्न सक्ने प्रभाव न्यूनीकरण गर्न सरकार, नियामकीय निकाय र निजी क्षेत्रबीच प्रभावकारी समन्वय तथा सहकार्यको आवश्यकता भएको बताएका छन्।

‘ग्रेजुएट भएपछि हामीले पाउँदै आएका सुविधा हट्ने भएकाले निर्यात बढाउन उत्पादकत्व बढाउने र उत्पादन लागत घटाउने यी दुई प्रमुख काम गर्न आवश्यक हुने मैले देखेको छु,’ अध्यक्ष अग्रवालले शुक्रबार आयोजित एक कार्यक्रममा भने, ‘उत्पादकत्व बढाउन श्रमिकको उत्पादकत्व बढाउनुपर्ने छ।’

उनले यसका लागि प्रविधि प्रयोग बढाउनुपर्ने र नीति तथा कानुनी अवरोध हट्नुपर्ने पनि बताए। यसका लागि परिसंघले कानुनी सुधारका लागि आवाज उठाउँदै आएको उनको भनाइ छ। अहिले नेपालले सहुलियतपूर्ण कर्जा र अनुदान पाइरहेकाले विकसित मुलुकबाट स्तरोन्नति भएपछि अनुदान हट्दै जाने कुरामा ध्यान पुर्‍याउनुपर्ने उनले बताए।

‘निर्यातमा आबद्ध हामी उद्योगी–व्यवसायीलाई यसको असर के पर्छ, हामी कसरी अगाडि बढ्नुपर्छ? सरकारले आगामी दिनमा निर्यात प्रोत्साहनका लागि कस्तो नीति लिन खोजेको छ? लगायत विषयमा स्पष्ट हुनुपर्ने देखिन्छ,’ उनले भने, ‘भर्खर भर्खर निर्यातको आँकडा खर्ब रुपैयाँ पार गर्न सुरु गरेको बेलामा हामीले निर्यातमा पाउँदै आएको सुविधा कटौती हुनेतर्फ पनि सचेत हुनुपर्छ।

प्रकाशित मिति: शुक्रबार, साउन १२, २०८० १७:५७

प्रतिक्रिया दिनुहोस्