आजदेखि ट्विटरको लोगो परिवर्तन गर्ने मस्कको घोषणा

प्रविधि

गृहपृष्ठ
प्रविधि

आजदेखि ट्विटरको लोगो परिवर्तन गर्ने मस्कको घोषणा

क्यापिटल नेपालसोमबार, साउन ८, २०८०

काठमाडौं। माइक्राे ब्लगिङ साइट ट्विटरका प्रमुख इलन मस्कले ट्विटरको लोगो परिवर्तन गर्ने घोषणा गरेका छन्। लाेगो परिवर्तन आजैदेखि हुने जनाइएको छ।

अन्तर्राष्ट्रिय मिडिया रिपोर्टका अनुसार मस्कले ‘एक्स’ नाम गरेको ‘सुपर एप’ बनाउन चाहेका छन्। उक्त एप चीनको विच्याटजस्तै हुने जनाइएको छ।

यससँगै मस्कले ट्विटरमा ‘चेन्ज डिफल्ट प्लेटफर्म कलर टु ब्ल्याक’ पोल क्रिएट गरेका छन्। अधिकांश प्रयोगकर्ताले भोट गर्दै कालो र सेतोमध्ये कालो प्लेटफर्म चुनेका छन्।

मस्कले ट्विटरमा एउटा भिडियो सेयर गरेका छन्, जसमा ट्विटरको हालको लोगो एक्समा रूपान्तरण भएको देखिन्छ।

चार महिनाअघि मस्कले ट्विटरको निलो चरा हटाएर कुकुरलाई ट्विटरको लोगो बनाएका थिए। पछि फेरि उनले निलो चरालाई नै ट्विटरको लोगो बनाए।

प्रकाशित मिति: सोमबार, साउन ८, २०८० ११:४६

प्रतिक्रिया दिनुहोस्