काठमाडौं। काठमाडौं नक्सालस्थित पाँचतारे होटल मेरियट काठमाडौंले रात्रिकालीन ‘अन्डरग्राउन्ड ग्यारेज पार्टी’ आयोजना गर्ने भएको छ।
आगामी शुक्रबार हुने पार्टीमा सहभागी हुनेले रात्रिकालीन जीवनका अदभूत दृश्यको मजा लिन सक्नेछन्। सहभागीका लागि पार्टी अविष्मरणीय र नौलो हुने होटलले जनाएको छ।
पार्टीमा देशकै चर्चित डिजेहरूको प्रस्तुति रहने छ। यस किसिमको रात्रिकालीन पार्टी यसअघि नभएको समेत होटलको भनाइ छ। बिपीएम, वाइएनजेडएन, ओ मान्शीलगायत डिजेले कार्यक्रममा मनोरञ्जन दिलाउनेछन्।
पार्टीमा विभिन्न पेयको स्वादसँगै झुम्न सकिने तथा विभिन्न किसिमका पेयको सम्मिश्रणमार्फत ककटेल स्वाद दिलाइने जनाएको छ। जसले दर्शकलाई पार्टीको थप मजाको अनुभूति दिने छ।
होटलका क्लस्टर जनरल म्यानेजर विशाल मेहराले रात्रिकालीन पार्टी बिर्सिनै नसकिने खालको हुने बताए। ‘हामी हाम्रा पाहुनालाई नौलो तथा अदभूत अनुभूति प्रदान गर्न प्रतिबद्ध छौं,’ उनले भने।
कति लाग्छ शुल्क?
पार्टीमा जो कोहीले सहभागिता जनाउन सक्नेछन्। अहिले सहभागिताका लागि सीमित टिकट रहेको होटलले जनाएको छ। सहभागिताका लागि प्रतिव्यक्ति ९ सय ९९ रुपैयाँमा टिकट बुक गर्न सकिने छ। उक्त शुल्कमा एउटा बियर उपलब्ध हुने होटलले जनाएको छ।
साथै, होटलले भिआइपी प्याकेजसमेत उपलब्ध गराएको छ, जुन ७५ हजार रुपैयाँबाट सुररु हुन्छ। जसमा ६ जना ग्राहक सहभागी हुनसक्ने छन्।
