शोधनान्तर बचत बढेर पुग्यो २ खर्ब २९ अर्ब

अर्थतन्त्र

गृहपृष्ठ
अर्थतन्त्र

शोधनान्तर बचत बढेर पुग्यो २ खर्ब २९ अर्ब

क्यापिटल नेपालसोमबार, असार २५, २०८०

काठमाडौं। एक महिनाको बीचमा शोधनान्तर स्थितिमा सुधार आएको छ। चालू आर्थिक वर्षको ११ महिनामा शोधनान्तर १४ अर्ब ३१ करोड रुपैयाँ बढेर २ खर्ब २८ अर्ब ९८ करोड रुपैयाँ पुगेको छ।

अघिल्लो वर्ष सोही अवधिमा शोधनान्तर २ खर्ब ६९ अर्ब ८१ करोड रुपैयाँ घाटामा थियो। अमेरिकी डलरमा अघिल्लो वर्ष सोही अवधिमा २ अर्ब २६ करोड घाटामा रहेको शोधनान्तर स्थिति समीक्षा अवधिमा १ अर्ब ७४ करोड बचतमा रहेको नेपाल राष्ट्र बैंकले जनाएको छ।

समीक्षा अवधिमा चालू खाता ६९ अर्ब ४० करोड रुपैयाँ घाटामा छ। अघिल्लो वर्ष सोही अवधिमा चालू खाता ५ खर्ब ९२ अर्ब १४ करोड रुपैयाँ घाटामा थियो। अमेरिकी डलरमा अघिल्लो वर्ष सोही अवधिमा ४ अर्ब ९३ करोड रुपैयाँ घाटामा रहेको चालू खाता समीक्षा अवधिमा ५३ करोड ६१ लखमात्र ऋणात्मक रहेको छ।