नबिकेपछि घोराही सिमेन्टको आइपिओ बिक्री समय थप

सेयर

गृहपृष्ठ
सेयर

नबिकेपछि घोराही सिमेन्टको आइपिओ बिक्री समय थप

क्यापिटल नेपालसोमबार, असार ४, २०८०

काठमाडौं। घोराही सिमेन्ट इन्ड्रष्ट्री लिमिटेडले जेठ ३२ गतेदेखि बिक्रीमा ल्याएको आइपिओ बिक्री अवधि थप भएको छ। कम्पनीले असार १४ गतेसम्म आइपिओ बिक्री गर्ने जानकारी दिएको हो।

प्रिमियम मूल्यसहितको आइपिओ खरिदका लागि वैदेशिक रोजगारीमा रहेका नेपाली, उद्योग प्रभावित क्षेत्रका बासिन्दा, सामूहिक लगानी कोष र कर्मचारीहरूबाट पूर्ण आवेदन भने पर्न सकेन।

कम्पनीले उद्योग प्रभावित क्षेत्रका बासिन्दाका लागि ३ लाख ९७ हजार १९० कित्ता, वैदेशिक रोजगारीमा रहेका नेपालीका लागि ७ लाख ५४ हजार ६६१ कित्ता, सामूहिक लगानी कोषका लागि ३ लाख ७७ हजार ३३१ कित्ता र कम्पनीका कर्मचारीहरूमा ३ लाख ७७ हजार ३३१ कित्ता बिक्री खुला गरेको थियो। यसअघि वितरण हुन नसकेको सेयरसमेत थप गरी कम्पनीले सर्वसाधारणमा आइपिओ जारी गरेको हो।

प्रकाशित मिति: सोमबार, असार ४, २०८० ११:२८

प्रतिक्रिया दिनुहोस्