राजस्व उठाउने काममा जिम्मेवार र कर्तव्यनिष्ठ भएर लाग्न अर्थमन्त्रीको निर्देशन

अर्थतन्त्र

गृहपृष्ठ
अर्थतन्त्र

राजस्व उठाउने काममा जिम्मेवार र कर्तव्यनिष्ठ भएर लाग्न अर्थमन्त्रीको निर्देशन

क्यापिटल नेपालसोमबार, असार ४, २०८०

विराटनगर। अर्थमन्त्री डा. प्रकाशशरण महतले सोमबार बिहान विराटनगरस्थित आन्तरिक राजस्व कार्यालयको निरीक्षण गरेका छन्। निरीक्षणका क्रममा मन्त्री डा. महतले राजस्व उठाउने काममा जिम्मेवार र कर्तव्यनिष्ठ भएर लाग्न निर्देशन दिएका छन्।

‘सेवाग्राही माझ सहजरूपमा प्रस्तुत हुन, व्यक्तिगत फाइदा नहेर्न आग्रह गर्दै मन्त्री डा. महतले भो, ‘कर्तव्यबाट पन्छिने छुट हामी कसैलाई छैन, जिम्मेवारी जे छ त्यसैमा कर्तव्यनिष्ठ भएर काम गर्नु होला।अहिले बजेटले करका दायरा फराकिलो बनाएको छ। यसमा तपाईंहरूले सेवाग्राहीलाई राम्रोसँग बुझाउनुपर्छ। मुल्य अभिवृद्धि कर राजस्वको महत्वपूर्ण पक्ष हो।’

तरकारी फलफूलको आयातमा मात्र कर लाग्छ भन्ने आम उपभोक्तालाई यसको मूल्य अभिवृद्धि करबारे बुझाउन जरुरी भएको उनको भनाइ छ।

मन्त्री डा. महतले भने, ‘म राम्रो काम गर्न आएको हुँ, तपाईंहरूले पनि राम्रो काम गरिरहनु भएको छ र अझै राम्रो काम गर्नु होला। आम नागरिकलाई दुःख दिने काम नगर्नु होला।’

प्रकाशित मिति: सोमबार, असार ४, २०८० ११:०७

प्रतिक्रिया दिनुहोस्