नेप्से १६.४९ अंकले बढ्यो

सेयर

गृहपृष्ठ
सेयर

नेप्से १६.४९ अंकले बढ्यो

क्यापिटल नेपालबुधबार, जेठ १०, २०८०

काठमाडौं। नेपाल स्टक एक्सचेञ्ज (नेप्से) परिसूचकमा १६ दशमलव ४९ अंकको वृद्धि देखिएको छ। आज नेप्से परिसूचक शून्य दशमलव ८५ प्रतिशतले बढेर एक हजार नौ सय ५९ दशमलव १२ अंकमा कायम भएको हो।

आज दुई सय ७० कम्पनीको ४८ लाख ६५ हजार चार सय ७५ कित्ता सेयर ३४ हजार आठ सय ४१ पटक खरिद बिक्री हुँदा एक अर्ब ८७ करोड ३० लाख १८ हजार रुपैयाँबराबरको कारोबार भएको छ। आज वित्त, जलविद्युत् र म्युचुअल फन्ड समूहको उपसूचक क्रमशः सात दशमलव ४५, सात दशमलव ५१ र शून्य दशमलव ०३ अंकले घटेको छ। अरु सबै समूहको उपसूचक भने बढेको छ। सबैभन्दा धेरै उत्पादन तथा प्रशोधन समूहको उपसूचक दुई सय २० दशमलव ६६ र होटल तथा पर्यटन समूहको उपसूचक एक सय ७१ दशमलव ४७ अंकले बढेको छ।

बैंकिङ समूह दुई दशमलव १५, विकास बैंक शून्य दशमलव ३०, लगानी शून्य दशमलव ३४, जीवन बीमा एक सय २० दशमलव २० र लघुवित्त समूह ७७ दशमलव ११ अंकले बढेको छ। त्यसैगरी, निर्जीवन बीमा समूह एक सय २१ दशमलव ४५, व्यापार समूह ३५ दशमलव १५ र अन्य समूह २१ दशमलव ०९ अंकले बढेको छ।

आत्मनिर्भर लघुवित्त वित्तीय संस्था लिमिटेडको सेयर मूल्यमा आज सकारात्मक सर्किट लागेको छ। सबैभन्दा धेरै गुमाउनेमा भने सानिमा इक्विटी फण्डको सेयर मूल्यमा तीन दशमलव ७७ प्रतिशतको गिरावट देखिएको छ। कारोबार रकम र कारोबार भएका सेयर सङ्ख्याका आधारमा सबैभन्दा धेरै शिवम् सिमेन्ट लिमिटेडको १४ करोड ६४ लाख ९१ हजार रुपैयाँबराबरको तीन लाख २६ हजार ३४ कित्ता सेयर खरिद बिक्री भएको छ।

प्रकाशित मिति: बुधबार, जेठ १०, २०८० १६:२४

प्रतिक्रिया दिनुहोस्