बाली बिमामा दिइने अनुदान घटेकोप्रति सांसद वाग्लेको सरकारलाई ध्यानाकर्षण

कृषि

गृहपृष्ठ
कृषि

बाली बिमामा दिइने अनुदान घटेकोप्रति सांसद वाग्लेको सरकारलाई ध्यानाकर्षण

क्यापिटल नेपालबुधबार, जेठ १०, २०८०

काठमाडौं। राष्ट्रिय स्वतन्त्र पार्टी (रास्वपा)का सांसद स्वर्णिम वाग्लेले कृषि तथा पशुपन्छी बिमामा दिइने सरकारी अनुदान ह्वात्तै घटेको भन्दै सरकारको ध्यानाकर्षण गराएका छन्। बुधबारको प्रतिनिधिसभा बैठकको शून्य समयमा बोल्दै सांसद वाग्लेले सरकारको ध्यानाकर्षण गराएका हुन्।

‘हालै मेरो निर्वाचन क्षेत्र तनहुँ–१ मा हावाहुरीका कारण जनधनको क्षति भएको छ र राज्यबाट हुने क्षतिपूर्ति अप्रयाप्त छ। साथै, ठूलो मात्रामा अन्नबाली पनि नष्ट भएको छ,’ सांसद वाग्लेले भने, ‘यस्तो अवस्थामा कृषि र पशुबिमाको महत्व झल्कन्छ। यद्यपि, बिमामा दिने सरकारी अनुदान ह्वात्तै घटेको विरोधमा नेपाल बिमक संघले विगत तीन दिनदेखि सेवा ठप्प पारेको छ। सरकारको ध्यान जाओस्।’

फरक प्रसंगमा सांसद वाग्लेले वर्षायाम सुरु भएसँगै प्राकृतिक विपत्तिविरुद्ध सबै तहले पूर्व तयारी बढाउन आवश्यक भएको बताए। राष्ट्रिय विपद जोखिम न्यूनिकरण तथा व्यवस्थापन प्राधिकरणलाई साधन स्रोत सम्पन्न बनाइ तयारीमा राख्नुपर्ने उनको भनाइ छ।